bin hawa ke hathon mein hai lahre jadu wale hain

Ameeq Hanafi

bin hawa ke hathon mein hai lahre jadu wale hain

Ameeq Hanafi

MORE BY Ameeq Hanafi

    biin havā ke hāthoñ meñ hai lahre jaadū vaale haiñ

    chandan se chikne shānoñ par machal uThe do kaale haiñ

    jañgal bāzāroñ dhuul uḌī hai svāgat ko

    ham ne ghar ke bāhar jab bhī apne paañv nikāle haiñ

    kaisā zamāna aayā hai ye ulTī riit hai ulTī baat

    phūloñ ko kāñTe Daste haiñ jo in ke rakhvāle haiñ

    ghar ke dukhḌe shahr ke ġham aur des bides chintā.eñ

    in meñ kuchh āvāra kutte haiñ kuchh ham ne paale haiñ

    ek usī ko dekh na paa.e varna shahr saḌkoñ par

    achchhī achchhī poshākeñ haiñ achchhī sūrat vaale haiñ

    raat meñ dil ko kyā sūjhī hai us ke gaañv ko chalne

    jañgal meñ chīte rahte haiñ raah meñ naddī naale haiñ

    donoñ milnā mushkil hai donoñ haiñ majbūr bahut

    us ke paañv meñ mehñdī lagī hai mere paañv meñ chhāle haiñ

    bin hawa ke hathon mein hai lahre jadu wale hain

    chandan se chikne shanon par machal uThe do kale hain

    jangal ki ya bazaron ki dhul uDi hai swagat ko

    hum ne ghar ke bahar jab bhi apne panw nikale hain

    kaisa zamana aaya hai ye ulTi rit hai ulTi baat

    phulon ko kanTe Daste hain jo in ke rakhwale hain

    ghar ke dukhDe shahr ke gham aur des bides ki chintaen

    in mein kuchh aawara kutte hain kuchh hum ne pale hain

    ek usi ko dekh na pae warna shahr ki saDkon par

    achchhi achchhi poshaken hain achchhi surat wale hain

    raat mein dil ko kya sujhi hai us ke ganw ko chalne ki

    jangal mein chite rahte hain rah mein naddi nale hain

    donon ka milna mushkil hai donon hain majbur bahut

    us ke panw mein mehndi lagi hai mere panw mein chhaale hain

    RECITATIONS

    Nomaan Shauque

    Nomaan Shauque

    Nomaan Shauque

    bin hawa ke hathon mein hai lahre jadu wale hain Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites