biswin sadi ke hum shair-e-pareshan hain

bīsvīñ sadī ke ham shā.ir-e-pareshāñ haiñ

mas.aloñ meñ uljhe haiñ fikr-o-ġham meñ ġhaltāñ haiñ

Duub kar ubhar aa.e maut se gale mil kar

apnī saḳht-jānī ke ḳhud hī ham nigahbāñ haiñ

ham to Thahre dīvāne ham to Thahre sahrā.ī

ahl-e-fahm-o-dānish ke chaak kyuuñ garebāñ haiñ

kab hisāb māñgā thā aap kī jafāoñ kā

kyuuñ jhukī jhukī nazreñ kis liye pashemāñ haiñ

aaj tak hai ġham taaza dost se bichhaḌne kā

ab bhī āñkheñ rotī haiñ zaḳhm-e-dil-farozāñ haiñ

sab ke ham rahe apne kaun hai magar apnā

DhūñDhte haiñ apnoñ ko ham bhī kitne nādāñ haiñ

'tāhira' zamāne kī karvaToñ kā kyā kahnā

hoñge ye bhī vīrāne aaj jo gulistāñ haiñ

biswin sadi ke hum shair-e-pareshan hain

masalon mein uljhe hain fikr-o-gham mein ghaltan hain

Dub kar ubhar aae maut se gale mil kar

apni saKHt-jaani ke KHud hi hum nigahban hain

hum to Thahre diwane hum to Thahre sahrai

ahl-e-fahm-o-danish ke chaak kyun gareban hain

kab hisab manga tha aap ki jafaon ka

kyun jhuki jhuki nazren kis liye pasheman hain

aaj tak hai gham taza dost se bichhaDne ka

ab bhi aankhen roti hain zaKHm-e-dil-farozan hain

sab ke hum rahe apne kaun hai magar apna

DhunDhte hain apnon ko hum bhi kitne nadan hain

'tahira' zamane ki karwaTon ka kya kahna

honge ye bhi virane aaj jo gulistan hain