bikhar bikhar gae sab mere KHwab tere baghair

bikhar bikhar ga.e sab mere ḳhvāb tere baġhair

har ek saañs huī hai azaab tere baġhair

tire baġhair tabassum harām kar Daalā

masarratoñ se kiyā ijtināb tere baġhair

baḌe sukūñ se makīñ haiñ udāsiyāñ ghar meñ

huā hai jaañ mirā ḳhāna-ḳharāb tere baġhair

tirī nigāhoñ ke vo jaam ḳhuub hote the

lage hai zahr hameñ ab sharāb tere baġhair

shab-e-visāl meñ to tīrgī bhī nuur lagī

bujhā bujhā sā lagā māhtāb tere baġhair

rafāqatoñ meñ tirī ḳhaar goyā komal the

chubhe haiñ ḳhaar kī sūrat gulāb tere baġhair

bikhar bikhar gae sab mere KHwab tere baghair

har ek sans hui hai azab tere baghair

tere baghair tabassum haram kar Dala

masarraton se kiya ijtinab tere baghair

baDe sukun se makin hain udasiyan ghar mein

hua hai jaan mera KHana-KHarab tere baghair

teri nigahon ke wo jam KHub hote the

lage hai zahr hamein ab sharab tere baghair

shab-e-visal mein to tirgi bhi nur lagi

bujha bujha sa laga mahtab tere baghair

rafaqaton mein teri KHar goya komal the

chubhe hain KHar ki surat gulab tere baghair