bila jawaz nahin hai ghurur aankhon mein

bilā javāz nahīñ hai ġhurūr āñkhoñ meñ

basā huā hai koī to zarūr āñkhoñ meñ

tasalliyoñ kā charāġhāñ shafīq hoñToñ par

mohabbatoñ kī anokhī sutūr āñkhoñ meñ

vazū-e-dīd judā.ī meñ bhī mayassar hai

haiñ garche duur magar haiñ huzūr āñkhoñ meñ

ki raat dūdhiyā chādar meñ ḳhvāb lipTe the

tamām din thā rahā us kā nuur āñkhoñ meñ

ruke hue kisī sailāb kī safārat ko

kiyā hai ashk ne phir se zuhūr āñkhoñ meñ

jiyā hai dasht-e-dil-o-jāñ had-e-muayyan meñ

kiyā hai aañkh kā dariyā ubuur āñkhoñ meñ

ḳhumār-e-dard meñ 'tāhir-adīm' sab masrūr

haiñ mastiyāñ sī saroñ meñ surūr āñkhoñ meñ

bila jawaz nahin hai ghurur aankhon mein

basa hua hai koi to zarur aankhon mein

tasalliyon ka charaghan shafiq honTon par

mohabbaton ki anokhi sutur aankhon mein

wazu-e-did judai mein bhi mayassar hai

hain garche dur magar hain huzur aankhon mein

ki raat dudhiya chadar mein KHwab lipTe the

tamam din tha raha us ka nur aankhon mein

ruke hue kisi sailab ki safarat ko

kiya hai ashk ne phir se zuhur aankhon mein

jiya hai dasht-e-dil-o-jaan had-e-muayyan mein

kiya hai aankh ka dariya ubur aankhon mein

KHumar-e-dard mein 'tahir-adim' sab masrur

hain mastiyan si saron mein surur aankhon mein