aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

bila-unwan afsana kahega tum bhi sun lena

Razi Badayuni

bila-unwan afsana kahega tum bhi sun lena

Razi Badayuni

MORE BYRazi Badayuni

    bilā-unvān afsānā kahegā tum bhī sun lenā

    ḳhirad baat dīvāna kahegā tum bhī sun lenā

    rumūz-e-ishq dīvāna kahegā tum bhī sun lenā

    vo kaabe ko sanam-ḳhāna kahegā tum bhī sun lenā

    dil-e-ġham-āshnā jab tang aakar zindagānī se

    shab-e-furqat afsānā kahegā tum bhī sun lenā

    fidā kyoñ jaan kar detā hai baḌh kar sham-e-mahfil par

    kabhī ye raaz parvānā kahegā tum bhī sun lenā

    jo bahkī bahkī bātoñ se mohabbat meñ na baaz aa.e

    to aalim tum ko dīvāna kahegā tum bhī sun lenā

    bahut se raaz is se gulsitāñ ke munkashif hoñge

    ik aisī baat vīrāna kahegā tum bhī sun lenā

    na bhūleñge qayāmat tak bhī arbāb-e-chaman jin ko

    vo bātin aaj dīvāna kahegā tum bhī sun lenā

    ye hone ko to dīvāna hai lekin raaz bāteñ

    ba-andāz-e-kalīmāna kahegā tum bhī sun lenā

    abhī kyā hai abhī har ek sāthī zulm bāteñ

    ba-andāz-e-rafīqāna kahegā tum bhī sun lenā

    yahī rind-e-ziyāda-nosh ġharīq-e-be-ḳhudī ho kar

    abhī shīshe ko paimāna kahegā tum bhī sun lenā

    'razī' merā mazāq-e-āshiqī jis ne uḌāyā hai

    vahī ab apnā dīvāna kahegā tam bhī sun lenā

    bila-unwan afsana kahega tum bhi sun lena

    KHirad ki baat diwana kahega tum bhi sun lena

    rumuz-e-ishq diwana kahega tum bhi sun lena

    wo kabe ko sanam-KHana kahega tum bhi sun lena

    dil-e-gham-ashna jab tang aakar zindagani se

    shab-e-furqat ka afsana kahega tum bhi sun lena

    fida kyon jaan kar deta hai baDh kar sham-e-mahfil par

    kabhi ye raaz parwana kahega tum bhi sun lena

    jo bahki bahki baaton se mohabbat mein na baz aae

    to aalim tum ko diwana kahega tum bhi sun lena

    bahut se raaz is se gulsitan ke munkashif honge

    ek aisi baat virana kahega tum bhi sun lena

    na bhulenge qayamat tak bhi arbab-e-chaman jin ko

    wo baatin aaj diwana kahega tum bhi sun lena

    ye hone ko to diwana hai lekin raaz ki baaten

    ba-andaz-e-kalimana kahega tum bhi sun lena

    abhi kya hai abhi har ek sathi zulm ki baaten

    ba-andaz-e-rafiqana kahega tum bhi sun lena

    yahi rind-e-ziyaada-nosh ghariq-e-be-KHudi ho kar

    abhi shishe ko paimana kahega tum bhi sun lena

    'razi' mera mazaq-e-ashiqi jis ne uDaya hai

    wahi ab apna diwana kahega tam bhi sun lena

    Source:

    Chingariyan (Pg. 147)

    • Author: Razi Badayuni
      • Publisher: Imranullah, New Delhi
      • Year of Publication: 1984
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now