bin koi jurm kiye pahle saza dete hain

bin koī jurm kiye pahle sazā dete haiñ

phir vahī log rihā.ī kī du'ā dete haiñ

jab kabhī hosh meñ aane kī talab hotī hai

tab mire yaar mujhe jam ke pilā dete haiñ

yuuñ to mushkil hai bahut dard batānā sab ko

so yahī soch ke ham she'r sunā dete haiñ

ḳhālī vaqtoñ ko bitāne ke liye ham aksar

bas tire naam ko likhte haiñ miTā dete haiñ

apne hī taur tarīqoñ ke qalandar haiñ ham

chāheñ to shaah kī nīñdeñ bhī uḌā dete haiñ

shaam hote hī chale aate haiñ kuchh farzī ḳhayāl

kyā mire lafz unheñ ghar sā mazā dete haiñ

ham pe jab 'ishq jatāne kā savāl aatā hai

ham tirī maañg meñ sindūr sajā dete haiñ

bin koi jurm kiye pahle saza dete hain

phir wahi log rihai ki du'a dete hain

jab kabhi hosh mein aane ki talab hoti hai

tab mere yar mujhe jam ke pila dete hain

yun to mushkil hai bahut dard batana sab ko

so yahi soch ke hum she'r suna dete hain

KHali waqton ko bitane ke liye hum aksar

bas tere nam ko likhte hain miTa dete hain

apne hi taur tariqon ke qalandar hain hum

chahen to shah ki ninden bhi uDa dete hain

sham hote hi chale aate hain kuchh farzi KHayal

kya mere lafz unhen ghar sa maza dete hain

hum pe jab 'ishq jatane ka sawal aata hai

hum teri mang mein sindur saja dete hain