aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

bina maKHraj ke ho dariya rawan aise nahin hota

Shams Khaalid

bina maKHraj ke ho dariya rawan aise nahin hota

Shams Khaalid

MORE BYShams Khaalid

    binā maḳhraj ke ho dariyā ravāñ aise nahīñ hotā

    jale ātish na ho koī dhuāñ aise nahīñ hotā

    mohabbat dil ko ho jaa.e garāñ aise nahīñ hotā

    makīñ par tang ho jaa.e makāñ aise nahīñ hotā

    jinheñ kal tak maiñ sikhlātā thā haañ aise nahīñ hotā

    vahī log aaj kahte haiñ miyāñ aise nahīñ hotā

    safar meñ rāhbar haiñ to ka.ī rahzan bhī ā.eñge

    mileñ duniyā meñ sab mehrbāñ aise nahīñ hotā

    jinheñ chāheñ vo badle meñ isī tarah hameñ chāheñ

    bajā ummīd hai lekin miyāñ aise nahīñ hotā

    na kholo chashm-e-duniyā par nigāh-e-dost ke asrār

    jo bāteñ raaz hoñ un bayāñ aise nahīñ hotā

    yahī hotā to phir saarā jahāñ aise nahīñ hotā

    yahāñ aise nahīñ hotā vahāñ aise nahīñ hotā

    amal radd-e-amal ke vāste hai lāzmī sāhib

    koī bhī ḳhush-gumāñ bad-gumāñ aise nahīñ hotā

    kisī se mehr chāho jab ki us se be-ruḳhī barto

    tumheñ ma.alūm hai naañ merī jaañ aise nahīñ hotā

    samundar apnī tah meñ jaisā rakhtā hai sakūñ ai dost

    nazar bāhar bhī aa.e vo samāñ aise nahīñ'' hotā

    vo harjā.ī hai par dil se nikālā bhī nahīñ jaatā

    chaman ḳhud se ujāḌe bāġhbāñ aise nahīñ hotā

    kisī chaah meñ kyoñ itne aage baḌh ga.e ho 'shams'

    ḳhud apne aap ko ho ab garāñ aise nahīñ hotā

    bina maKHraj ke ho dariya rawan aise nahin hota

    jale aatish na ho koi dhuan aise nahin hota

    mohabbat dil ko ho jae garan aise nahin hota

    makin par tang ho jae makan aise nahin hota

    jinhen kal tak main sikhlata tha han aise nahin hota

    wahi log aaj kahte hain miyan aise nahin hota

    safar mein rahbar hain to kai rahzan bhi aaenge

    milen duniya mein sab hi mehrban aise nahin hota

    jinhen chahen wo badle mein isi tarah hamein chahen

    baja ummid hai lekin miyan aise nahin hota

    na kholo chashm-e-duniya par nigah-e-dost ke asrar

    jo baaten raaz hon un ka bayan aise nahin hota

    yahi hota to phir sara jahan aise nahin hota

    yahan aise nahin hota wahan aise nahin hota

    amal radd-e-amal ke waste hai lazmi sahib

    koi bhi KHush-guman ya bad-guman aise nahin hota

    kisi se mehr chaho jab ki us se be-ruKHi barto

    tumhein malum hai nan meri jaan aise nahin hota

    samundar apni tah mein jaisa rakhta hai sakun ai dost

    nazar bahar bhi aae wo saman aise nahin hota

    wo harjai hai par dil se nikala bhi nahin jata

    chaman KHud se ujaDe baghban aise nahin hota

    kisi ki chah mein kyon itne aage baDh gae ho 'shams'

    KHud apne aap ko ho ab garan aise nahin hota

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now