bisat-e-shauq ke manzar badalte rahte hain
bisāt-e-shauq ke manzar badalte rahte haiñ
havā ke rañg barābar badalte rahte haiñ
butān-e-rañg bhī kuchh kam nahīñ hayūloñ se
qadam qadam pe ye paikar badalte rahte haiñ
chhupā.e chhuptī nahīñ un se kohnagī dil kī
na.e libās vo har-dam badalte rahte haiñ
rahī nahīñ kabhī yak-rañg āsmāñ kī jabīñ
hurūf-e-lauh-e-muqaddar badalte rahte haiñ
qayām kartā nahīñ dil meñ chaar din koī
makīn ḳhāna-e-be-dar badalte rahte haiñ
bahut nayā thā jo kal ab vahī purānā hai
mazār-e-dahr ke patthar badalte rahte haiñ
bisat-e-shauq ke manzar badalte rahte hain
hawa ke rang barabar badalte rahte hain
butan-e-rang bhi kuchh kam nahin hayulon se
qadam qadam pe ye paikar badalte rahte hain
chhupae chhupti nahin un se kohnagi dil ki
nae libas wo har-dam badalte rahte hain
rahi nahin kabhi yak-rang aasman ki jabin
huruf-e-lauh-e-muqaddar badalte rahte hain
qayam karta nahin dil mein chaar din koi
makin KHana-e-be-dar badalte rahte hain
bahut naya tha jo kal ab wahi purana hai
mazar-e-dahr ke patthar badalte rahte hain
Source:
Funoon(Jadeed Ghazal Number: Volume-002) (Pg. 729)
-
- Edition: 1969
- Publisher: Ahmad Nadeem Qasmi
- Year of Publication: 1969
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
