bujh gae sare charagh-e-jism-o-jaan tab dil jala

bujh ga.e saare charāġh-e-jism-o-jāñ tab dil jalā

ḳhalq kī ḳhātir hamārā murshid-e-kāmil jalā

kuchh bhī dariyā ne madad apne paḌosī kī na kī

duur tak paanī hī paanī thā magar sāhil jalā

raushnī meñ ek alag sī raushnī shāmil huī

aaj lagtā hai ki phir koī sar-e-mahfil jalā

dekhte hī aag patthar ho gayā kāġhaz kā jism

vo jise āsān jalnā thā bahut mushkil jalā

ab ruḳh-e-lailā nahīñ hogā kabhī parda-nashīñ

shahr ke ātish-kade meñ parda-e-mahmil jalā

shahr meñ bhaḌkī huī thī vasl kī aag aur idhar

farhat-ehsās aap apne hijr meñ til til jalā

bujh gae sare charagh-e-jism-o-jaan tab dil jala

KHalq ki KHatir hamara murshid-e-kaamil jala

kuchh bhi dariya ne madad apne paDosi ki na ki

dur tak pani hi pani tha magar sahil jala

raushni mein ek alag si raushni shamil hui

aaj lagta hai ki phir koi sar-e-mahfil jala

dekhte hi aag patthar ho gaya kaghaz ka jism

wo jise aasan jalna tha bahut mushkil jala

ab ruKH-e-laila nahin hoga kabhi parda-nashin

shahr ke aatish-kade mein parda-e-mahmil jala

shahr mein bhaDki hui thi wasl ki aag aur idhar

farhat-ehsas aap apne hijr mein til til jala