bujh jaen agar aap mohabbat ke diye hain

bujh jaa.eñ agar aap mohabbat ke diye haiñ

jalte hī raheñge jo zarūrat ke diye haiñ

ham se ye laveñ aur lahū maañg raheñ haiñ

ham log udāsī kī 'imārat ke diye haiñ

jalte bhī nahīñ Thiik se bujhte bhī nahīñ haiñ

go dil kī jagah chaar nadāmat ke diye haiñ

dīvār kā sar piiT havā-dār darīche

ham bujhne nahīñ vaale aziyyat ke diye haiñ

donoñ ke badan kī hai zarūrat unheñ 'ālok'

varna na jaleñge jo rifāqat ke diye haiñ

bujh jaen agar aap mohabbat ke diye hain

jalte hi rahenge jo zarurat ke diye hain

hum se ye lawen aur lahu mang rahen hain

hum log udasi ki 'imarat ke diye hain

jalte bhi nahin Thik se bujhte bhi nahin hain

go dil ki jagah chaar nadamat ke diye hain

diwar ka sar piT hawa-dar dariche

hum bujhne nahin wale aziyyat ke diye hain

donon ke badan ki hai zarurat unhen 'alok'

warna na jalenge jo rifaqat ke diye hain