bujh kar bhi shoala dam-e-hawa mein asir hai
bujh kar bhī sho.ala dām-e-havā meñ asiir hai
qaa.em abhī fazā meñ dhueñ kī lakīr hai
guzrā huuñ us ke dar se to kuchh maañg luuñ magar
kashkol be-talab hai sadā be-faqīr hai
jo chāhe achchhe dāmoñ meñ us ko ḳharīd le
vo aadmī burā nahīñ par be-zamīr hai
dil par lagī hai sab ke vahī mohr barf kī
zāhir meñ garm-joshī-e-dast-e-safīr hai
DhūñDe se aadmī nahīñ miltā yahāñ pe 'zeb'
yuuñ is dayār-e-bahr meñ gauhar kasīr hai
bujh kar bhi shoala dam-e-hawa mein asir hai
qaem abhi faza mein dhuen ki lakir hai
guzra hun us ke dar se to kuchh mang lun magar
kashkol be-talab hai sada be-faqir hai
jo chahe achchhe damon mein us ko KHarid le
wo aadmi bura nahin par be-zamir hai
dil par lagi hai sab ke wahi mohr barf ki
zahir mein garm-joshi-e-dast-e-safir hai
DhunDe se aadmi nahin milta yahan pe 'zeb'
yun is dayar-e-bahr mein gauhar kasir hai
- Book : zartaab (Pg. 96)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
