bujhne lage nazar to phir us par dekhna

bujhne lage nazar to phir us paar dekhnā

dariyā chaḌhe to naav kī raftār dekhnā

is āgahī ke ā.īna-e-ḳhud-misāl meñ

ḳhud apnī zaat ko sar-e-paikār dekhnā

āñkhoñ se rat-jagoñ kī harārat nahīñ ga.ī

ai yād-e-yār tishna-e-āzār dekhnā

hoñToñ pe aa ke jam sī ga.ī ḳhvāhish-e-visāl

is an-kahī pe lazzat-e-inkār dekhnā

ham vo vafā-parast tujhe dekhne ke baa'd

apnī taraf bhī sūrat-e-dīvār dekhnā

shāḳh o samar to munsif o qātil ke ho ga.e

ab kis ke sar pe girtī hai talvār dekhnā

yuuñ hai ki jab bichhaḌne lageñ dil se dhaḌkaneñ

tab us galī meñ sub.h ke āsār dekhnā

ab ye dil o nigāh ke bas meñ nahīñ rahā

har ā.īne meñ aks-e-ruḳh-e-yār dekhnā

sāhil ko mauj le ga.ī aur us ko bādbāñ

ḳhāvar ab is ke baa'd na us paar dekhnā

bujhne lage nazar to phir us par dekhna

dariya chaDhe to naw ki raftar dekhna

is aagahi ke aaina-e-KHud-misal mein

KHud apni zat ko sar-e-paikar dekhna

aankhon se rat-jagon ki hararat nahin gai

ai yaad-e-yar tishna-e-azar dekhna

honTon pe aa ke jam si gai KHwahish-e-visal

is an-kahi pe lazzat-e-inkar dekhna

hum wo wafa-parast tujhe dekhne ke ba'd

apni taraf bhi surat-e-diwar dekhna

shaKH o samar to munsif o qatil ke ho gae

ab kis ke sar pe girti hai talwar dekhna

yun hai ki jab bichhaDne lagen dil se dhaDkanen

tab us gali mein subh ke aasar dekhna

ab ye dil o nigah ke bas mein nahin raha

har aaine mein aks-e-ruKH-e-yar dekhna

sahil ko mauj le gai aur us ko baadban

KHawar ab is ke ba'd na us par dekhna