bujhti hui shaMein hoti hain Dube hue tare hote hain
bujhti hui shaMein hoti hain Dube hue tare hote hain
Manzoor Husain shor
MORE BYManzoor Husain shor
bujhtī huī sham.eñ hotī haiñ Duube hue taare hote haiñ
mahfil ke ujaḌne se pahle āsār ye saare hote haiñ
barbād-e-mohabbat par aisā ik daur bhī aa hī jaatā hai
āġhosh meñ sūraj hotā hai palkoñ pe sitāre hote haiñ
ye zarf hai zarf-e-fikr-o-nazar har Dūbne vaalā kyā jaane
be-bahr bhī tūfāñ uThte haiñ be-mauj bhī dhāre hote haiñ
nazzāra to hai be-parda magar har dekhne vaalā kyā dekhe
jo zarf-e-nazar meñ aa na sakeñ aise bhī nazāre hote haiñ
tuġhyān-e-havādis kī hamdam itnī hī navāzish kyā kam hai
kashtī na sahī sāhil na sahī tūfāñ to hamāre hote haiñ
bujhti hui shamen hoti hain Dube hue tare hote hain
mahfil ke ujaDne se pahle aasar ye sare hote hain
barbaad-e-mohabbat par aisa ek daur bhi aa hi jata hai
aaghosh mein suraj hota hai palkon pe sitare hote hain
ye zarf hai zarf-e-fikr-o-nazar har Dubne wala kya jaane
be-bahr bhi tufan uThte hain be-mauj bhi dhaare hote hain
nazzara to hai be-parda magar har dekhne wala kya dekhe
jo zarf-e-nazar mein aa na saken aise bhi nazare hote hain
tughyan-e-hawadis ki hamdam itni hi nawazish kya kam hai
kashti na sahi sahil na sahi tufan to hamare hote hain
Source:
Funoon(Jadeed Ghazal Number: Volume-002) (Pg. 188)
-
- Edition: 1969
- Publisher: Ahmad Nadeem Qasmi
- Year of Publication: 1969
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
