bula raha hai mujhe aasman tumhaari taraf

Khaleel Mamoon

bula raha hai mujhe aasman tumhaari taraf

Khaleel Mamoon

MORE BYKhaleel Mamoon

    bulā rahā hai mujhe āsmāñ tumhārī taraf

    jalā ke niklā huuñ sab āshiyāñ tumhārī taraf

    maiñ jāntā huuñ ki saare jahāñ haiñ ḳhatm yahāñ

    mujhe milegā na koī jahāñ tumhārī taraf

    ḳhamoshiyoñ bas ik silsila hai duur talak

    na koī lafz na koī zabāñ tumhārī taraf

    har ek jiitā hai vus.at meñ kā.enātoñ ke

    koī banātā nahīñ hai makāñ tumhārī taraf

    mare ho.uuñ ko koī maare kis tarah āḳhir

    na koī tiir na koī sināñ tumhārī taraf

    na koī dariyā na parbat na āshiyāñ na shajar

    zamīñ hai koī na āsmāñ tumhārī taraf

    zuhūr-e-ishq duniyā ko chhoḌ aayā huuñ

    maiñ ḳhud ko kartā huuñ sab se nihāñ tumhārī taraf

    maiñ manziloñ se bahut duur aa gayā 'māmūn'

    safar ne kho diye saare nishāñ tumhārī taraf

    bula raha hai mujhe aasman tumhaari taraf

    jala ke nikla hun sab aashiyan tumhaari taraf

    main jaanta hun ki sare jahan hain KHatm yahan

    mujhe milega na koi jahan tumhaari taraf

    KHamoshiyon ka bas ek silsila hai dur talak

    na koi lafz na koi zaban tumhaari taraf

    har ek jita hai wusat mein kaenaton ke

    koi banata nahin hai makan tumhaari taraf

    mare houn ko koi mare kis tarah aaKHir

    na koi tir na koi sinan tumhaari taraf

    na koi dariya na parbat na aashiyan na shajar

    zamin hai koi na hi aasman tumhaari taraf

    zuhur-e-ishq ki duniya ko chhoD aaya hun

    main KHud ko karta hun sab se nihan tumhaari taraf

    main manzilon se bahut dur aa gaya 'mamun'

    safar ne kho diye sare nishan tumhaari taraf

    Source :
    • Book : Sanson Ke Paar (Pg. 320)
    • Author : Khalil Mamoon
    • Publication : Educational Publishing House, Delhi (2015)
    • Edition : 2015
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY