bulae jate hain maqtal mein hum saza ke liye

Wamiq Jaunpuri

bulae jate hain maqtal mein hum saza ke liye

Wamiq Jaunpuri

MORE BYWamiq Jaunpuri

    bulā.e jaate haiñ maqtal meñ ham sazā ke liye

    ki ab dimāġh nahīñ arz-e-mudda.ā ke liye

    azal ke roz hameñ kaun se vo tohfe mile

    ki ham se dahr ne badle ginā ginā ke liye

    vo vaade yaad nahīñ tishna hai magar ab tak

    vo vaade bhī koī vaade jo mai pilā ke liye

    vo lamha bhar milī ḳhuld meñ jo āzādī

    to qaid ho ga.e miTTī meñ ham sadā ke liye

    shumār-e-tār-e-garebāñ meñ hai jo uljhe hue

    vo haath bhī to hameñ dījiye duā ke liye

    bahut girāñ hai agar tum pe intizār-e-bahār

    hamārā ḳhuun sar-e-dast lo hinā ke liye

    bulae jate hain maqtal mein hum saza ke liye

    ki ab dimagh nahin arz-e-muddaa ke liye

    azal ke roz hamein kaun se wo tohfe mile

    ki hum se dahr ne badle gina gina ke liye

    wo wade yaad nahin tishna hai magar ab tak

    wo wade bhi koi wade jo mai pila ke liye

    wo lamha bhar ki mili KHuld mein jo aazadi

    to qaid ho gae miTTi mein hum sada ke liye

    shumar-e-tar-e-gareban mein hai jo uljhe hue

    wo hath bhi to hamein dijiye dua ke liye

    bahut giran hai agar tum pe intizar-e-bahaar

    hamara KHun sar-e-dast lo hina ke liye

    RECITATIONS

    Khalid Mubashshir

    Khalid Mubashshir

    Khalid Mubashshir

    bulae jate hain maqtal mein hum saza ke liye Khalid Mubashshir

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY