bulbul ke sar mein kyon na bhare phir hawa-e-gul

bulbul ke sar meñ kyoñ na bhare phir havā-e-gul

gul bulbuloñ pe shefta bulbul fidā-e-gul

us gul ne jaise qabr pe merī chaḌhā.e gul

bāġh-e-jahāñ meñ kyā hī bañdhī hai havā-e-gul

us gul ne fātiha ko hamāre haiñ laa.e gul

Dar hai kahīñ charāġh-e-lahad ho na jaa.e gul

bulbul se dil lagāne kī hai ye sazā-e-gul

dāman se tā-ba-jeb qabā hai qabā-e-gul

ḳhāroñ pe ḳhaar dāġhoñ pe gar daaġh khaa.e gul

rang-o-nazākat us kī sī lekin na paa.e gul

gul rashk se kareñge garebāñ ko apne chaak

vo aa.e gar chaman meñ pahan kar qabā-e-gul

bulbul chaman meñ baiTh ke mimbar pe shāḳh kī

har sub.h-o-shām karte haiñ mad.h-o-sanā-e-gul

guzrā firāqe-e-gul meñ huuñ bulbul to koī shai

hargiz chaḌhā.iyo na lahad par sivā-e-gul

gulshan meñ us ke 'ḳhanjar'-e-abrū ko dekh kar

shamshīr se hayā kī kahīñ kaT na jaa.e gul

bulbul ke sar mein kyon na bhare phir hawa-e-gul

gul bulbulon pe shefta bulbul fida-e-gul

us gul ne jaise qabr pe meri chaDhae gul

bagh-e-jahan mein kya hi bandhi hai hawa-e-gul

us gul ne fatiha ko hamare hain lae gul

Dar hai kahin charagh-e-lahad ho na jae gul

bulbul se dil lagane ki hai ye saza-e-gul

daman se ta-ba-jeb qaba hai qaba-e-gul

KHaron pe KHar daghon pe gar dagh khae gul

rang-o-nazakat us ki si lekin na pae gul

gul rashk se karenge gareban ko apne chaak

wo aae gar chaman mein pahan kar qaba-e-gul

bulbul chaman mein baiTh ke mimbar pe shaKH ki

har subh-o-sham karte hain madh-o-sana-e-gul

guzra firaqe-e-gul mein hun bulbul to koi shai

hargiz chaDhaiyo na lahad par siwa-e-gul

gulshan mein us ke 'KHanjar'-e-abru ko dekh kar

shamshir se haya ki kahin kaT na jae gul