bulbul ko Khaar Khaar-e-dabistan hai in dinon

bulbul ko ḳhaar ḳhār-e-dabistāñ hai in dinoñ

har tifl kī baġhal meñ gulistāñ hai in dinoñ

zunnār-e-ishq but meñ rag-e-jāñ hai in dinoñ

nāqūs-e-barhaman dil-e-nālāñ hai in dinoñ

ābād merā ḳhāna-e-vīrāñ hai in dinoñ

sailāb mujh ġharīb kā mehmāñ hai in dinoñ

dāman hai apne haath meñ ik rashk-e-māh kā

pesh-e-nazar hilāl-e-garebāñ hai in dinoñ

bāġh-e-jahāñ meñ jo hai giraftār hai tirā

āzād ek sarv-e-gulistāñ hai in dinoñ

kahte haiñ ham zamīn meñ majnūñ kī ab ġhazal

har bait apnī ḳhāna-e-zindāñ hai in dinoñ

kāfir ho ai sanam jo ḳharīde na tū use

mehñdī ke mol ḳhūn-e-musalmāñ hai in dinoñ

hañgāma husn-o-ishq kā hai garm āj-kal bahut

dīvāna-e-parī hai jo insāñ hai in dinoñ

mastī kā un laboñ ke fasāna kahāñ nahīñ

majlis nahīñ vo jo nahīñ hairāñ hai in dinoñ

sadqe chakor hote haiñ ruḳhsār-e-yār ke

vo māh-e-chār-dah mah-e-tābāñ hai in dinoñ

aatā hai sair-e-bāġh ko vo gauhar-e-murād

phailā.e gul ke paas jo dāmāñ hai in dinoñ

qad sarv chehra gul hai to sumbul haiñ mū-e-yār

ghar ḳhāna baaġh hai jo vo mehmāñ hai in dinoñ

jauhar-shanās jam.a haiñ 'ātish' hai ma.arka

shamshīr hai vahī ki jo uryāñ hai in dinoñ

bulbul ko KHar KHar-e-dabistan hai in dinon

har tifl ki baghal mein gulistan hai in dinon

zunnar-e-ishq but mein rag-e-jaan hai in dinon

naqus-e-barhaman dil-e-nalan hai in dinon

aabaad mera KHana-e-viran hai in dinon

sailab mujh gharib ka mehman hai in dinon

daman hai apne hath mein ek rashk-e-mah ka

pesh-e-nazar hilal-e-gareban hai in dinon

bagh-e-jahan mein jo hai giraftar hai tera

aazad ek sarw-e-gulistan hai in dinon

kahte hain hum zamin mein majnun ki ab ghazal

har bait apni KHana-e-zindan hai in dinon

kafir ho ai sanam jo KHaride na tu use

mehndi ke mol KHun-e-musalman hai in dinon

hangama husn-o-ishq ka hai garm aaj-kal bahut

diwana-e-pari hai jo insan hai in dinon

masti ka un labon ke fasana kahan nahin

majlis nahin wo jo nahin hairan hai in dinon

sadqe chakor hote hain ruKHsar-e-yar ke

wo mah-e-chaar-dah mah-e-taban hai in dinon

aata hai sair-e-bagh ko wo gauhar-e-murad

phailae gul ke pas jo daman hai in dinon

qad sarw chehra gul hai to sumbul hain mu-e-yar

ghar KHana bagh hai jo wo mehman hai in dinon

jauhar-shanas jama hain 'atish' hai marka

shamshir hai wahi ki jo uryan hai in dinon