but apne-ap ko kya jaane kya samajhte hain
but apne-āp ko kyā jaane kyā samajhte haiñ
mirā ḳhudā unheñ samjhe ḳhudā samajhte haiñ
adā-shanās kī apne adā samajhte haiñ
ki be-kahe vo mirā mudda.ā samajhte haiñ
samajhne vaale tumhārī adā samajhte haiñ
vo aur kuchh hai jise sab qazā samajhte haiñ
falak kā naam na le koī sāmne un ke
vo us ke zikr ko apnā gilā samajhte haiñ
mujhe ye aap ke sar kī qasam na thā ma.alūm
ki aap bhī rah-o-rasm-e-vafā samajhte haiñ
ye shoḳhiyāñ bhī hasīnoñ kī kyā qayāmat haiñ
shab-e-visāl ko roz-e-jazā samajhte haiñ
ye din shabāb ke haiñ koī kyā kahe un ko
abhī vo kuchh nahīñ achchhā burā samajhte haiñ
tumhāre kho.e huoñ kā ajiib maslak hai
jo rāhzan bhī mile rahnumā samajhte haiñ
shab-e-visāl mire ham-nashīñ se farmāyā
yahī to haiñ jo hameñ bevafā samajhte haiñ
ḳhudā kare kahīñ mauqe se mujh ko mil jaa.eñ
yahī hasīñ jo mujhe pārsā samajhte haiñ
hameñ ye haq hai tirā muñh bhī chūmte jaa.eñ
ki tere shikva-e-bejā bajā samajhte haiñ
na man.a kar mai-o-māshūq se hameñ vaa.iz
ki ham shabāb meñ sab kuchh ravā samajhte haiñ
ḳhudā kī shaan ye koThoñ ke baiThne vaale
hamārī aah ko ab nā-rasā samajhte haiñ
'riyāz' ishq meñ kāfir butoñ ke hai be-ḳhud
mazā ye hai vo use pārsā samajhte haiñ
but apne-ap ko kya jaane kya samajhte hain
mera KHuda unhen samjhe KHuda samajhte hain
ada-shanas ki apne ada samajhte hain
ki be-kahe wo mera muddaa samajhte hain
samajhne wale tumhaari ada samajhte hain
wo aur kuchh hai jise sab qaza samajhte hain
falak ka nam na le koi samne un ke
wo us ke zikr ko apna gila samajhte hain
mujhe ye aap ke sar ki qasam na tha malum
ki aap bhi rah-o-rasm-e-wafa samajhte hain
ye shoKHiyan bhi hasinon ki kya qayamat hain
shab-e-visal ko roz-e-jaza samajhte hain
ye din shabab ke hain koi kya kahe un ko
abhi wo kuchh nahin achchha bura samajhte hain
tumhaare khoe huon ka ajib maslak hai
jo rahzan bhi mile rahnuma samajhte hain
shab-e-visal mere ham-nashin se farmaya
yahi to hain jo hamein bewafa samajhte hain
KHuda kare kahin mauqe se mujh ko mil jaen
yahi hasin jo mujhe parsa samajhte hain
hamein ye haq hai tera munh bhi chumte jaen
ki tere shikwa-e-beja baja samajhte hain
na mana kar mai-o-mashuq se hamein waiz
ki hum shabab mein sab kuchh rawa samajhte hain
KHuda ki shan ye koThon ke baiThne wale
hamari aah ko ab na-rasa samajhte hain
'riyaz' ishq mein kafir buton ke hai be-KHud
maza ye hai wo use parsa samajhte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.