but-KHana sang-e-rah hai jis ku-e-yar ka

but-ḳhāna sang-e-rāh hai jis kū-e-yār kā

kā'ba bhī ik nishāñ hai usī rahguzār kā

adnā sā 'aks hai ruḳh-e-rangīn-e-yār kā

'ālam banā huā hai muraqqā bahār kā

mujh ko to shauq-e-sajda meñ ye bhī nahīñ ḳhabar

sang-e-dar-e-raqīb hai yā qasr yaar kā

rahmat bhī tere saath hai baḳhshish bhī tere saath

phir ḳhauf kyā hai pursish-e-roz-e-shumār kā

ho jaa.eñ ek kāfir-o-dīñ-dār kis tarah

jalva alag alag hai ruḳh-o-zulf-e-yār kā

zāhid tamām taqva-o-tāmāt chhoḌ de

qaa.il agar hai rahmat-e-parvardigār kā

tasvīr bhī na us kī tasavvur meñ khiñch sakī

adnā sā ye kamāl hai shoḳhi-e-yār kā

fiqre ġhazab ke likkhe haiñ ḳhat ke javāb meñ

goyā qalam se kaam liyā zulfiqār kā

kar duuñ na ġharq-e-jām dil-e-be-qarār ko

jhagḌā chukā hī duuñ na dil-e-be-qarār kā

shān-e-karam ko us kī gavārā nahīñ kabhī

māyūs ho ke lauTnā ummīd-vār kā

pīr-e-muġhāñ sā piir ho 'shāġhil' kā mo'taqid

phir zikr-o-shaġhl dekh mai-e-ḳhush-gavār kā

but-KHana sang-e-rah hai jis ku-e-yar ka

ka'ba bhi ek nishan hai usi rahguzar ka

adna sa 'aks hai ruKH-e-rangin-e-yar ka

'alam bana hua hai muraqqa bahaar ka

mujh ko to shauq-e-sajda mein ye bhi nahin KHabar

sang-e-dar-e-raqib hai ya qasr yar ka

rahmat bhi tere sath hai baKHshish bhi tere sath

phir KHauf kya hai pursish-e-roz-e-shumar ka

ho jaen ek kafir-o-din-dar kis tarah

jalwa alag alag hai ruKH-o-zulf-e-yar ka

zahid tamam taqwa-o-tamat chhoD de

qail agar hai rahmat-e-parwardigar ka

taswir bhi na us ki tasawwur mein khinch saki

adna sa ye kamal hai shoKHi-e-yar ka

fiqre ghazab ke likkhe hain KHat ke jawab mein

goya qalam se kaam liya zulfiqar ka

kar dun na gharq-e-jam dil-e-be-qarar ko

jhagDa chuka hi dun na dil-e-be-qarar ka

shan-e-karam ko us ki gawara nahin kabhi

mayus ho ke lauTna ummid-war ka

pir-e-mughan sa pir ho 'shaghil' ka mo'taqid

phir zikr-o-shaghl dekh mai-e-KHush-gawar ka