but ko but aur KHuda ko jo KHuda kahte hain

but ko but aur ḳhudā ko jo ḳhudā kahte haiñ

ham bhī dekheñ to use dekh ke kyā kahte haiñ

jo bhale haiñ vo buroñ ko bhī bhalā kahte haiñ

na burā sunte haiñ achchhe na burā kahte haiñ

bazm-e-ahbāb-o-mai-e-nāb visāl-e-ma.ashūq

ab kisī shai meñ nahīñ jis ko maza kahte haiñ

maiñ gunahgār agar ishq-e-majāzī hai gunāh

maiñ ḳhatāvār agar is ko ḳhatā kahte haiñ

pahle to 'dāġh' kī tārīf huā kartī thī

ab ḳhudā jaane vo kyoñ us ko burā kahte haiñ

but ko but aur KHuda ko jo KHuda kahte hain

hum bhi dekhen to use dekh ke kya kahte hain

jo bhale hain wo buron ko bhi bhala kahte hain

na bura sunte hain achchhe na bura kahte hain

bazm-e-ahbab-o-mai-e-nab visal-e-mashuq

ab kisi shai mein nahin jis ko maza kahte hain

main gunahgar agar ishq-e-majazi hai gunah

main KHatawar agar is ko KHata kahte hain

pahle to 'dagh' ki tarif hua karti thi

ab KHuda jaane wo kyon us ko bura kahte hain