but kya hain bashar kya hai ye sab silsila kya hai

but kyā haiñ bashar kyā hai ye sab silsila kyā hai

phir maiñ huuñ mirā dil he mirī ġhār-e-hirā hai

jo āñkhoñ ke aage hai yaqīñ hai ki gumāñ hai

jo āñkhoñ se ojhal hai ḳhalā hai ki ḳhudā hai

taare mirī qismat haiñ ki jalte hue patthar

duniyā mirī jannat hai ki shaitāñ kī sazā hai

dil dushman-e-jāñ hai to ḳhirad qātil-e-īmāñ

ye kaisī balāoñ ko mujhe sauñp diyā hai

sunte raheñ ārām se har jhuuT to ḳhush haiñ

aur Tok deñ bhūle se to kahte haiñ burā hai

shaitān bhī rahtā hai mire dil meñ ḳhudā bhī

ab aap kahīñ dil kī sadā kis kī sadā hai

'aḳhtar' na karo un se gilā jaur-o-jafā kā

apnī bhī ḳhudā jaane havas hai ki vafā hai

but kya hain bashar kya hai ye sab silsila kya hai

phir main hun mera dil he meri ghaar-e-hira hai

jo aankhon ke aage hai yaqin hai ki guman hai

jo aankhon se ojhal hai KHala hai ki KHuda hai

tare meri qismat hain ki jalte hue patthar

duniya meri jannat hai ki shaitan ki saza hai

dil dushman-e-jaan hai to KHirad qatil-e-iman

ye kaisi balaon ko mujhe saunp diya hai

sunte rahen aaram se har jhuT to KHush hain

aur Tok den bhule se to kahte hain bura hai

shaitan bhi rahta hai mere dil mein KHuda bhi

ab aap kahin dil ki sada kis ki sada hai

'aKHtar' na karo un se gila jaur-o-jafa ka

apni bhi KHuda jaane hawas hai ki wafa hai