but-parasti se na tinat meri zinhaar phiri

Wazir Ali Saba Lakhnavi

but-parasti se na tinat meri zinhaar phiri

Wazir Ali Saba Lakhnavi

MORE BY Wazir Ali Saba Lakhnavi

    but-parastī se na tīnat mirī zinhār phirī

    sub.h sau baar ḳharīdī ga.ī sau baar phirī

    bārhā qahqahoñ meñ ne uḌāyā hai use

    sham.a rotī tirī mahfil se hai sau baar phirī

    chal basī fasl-e-ḳhizāñ mausam-e-gul aa pahuñchā

    le mubārak ho havā bulbul-e-gulzār phirī

    ek bhī nazar aa.ī na asar sūrat

    girtī paḌtī na kahāñ āh-e-dil-e-zār phirī

    zulf-e-jānāñ ke jo saude meñ huā sar-gashta

    saa.e tarah mire saath shab-e-tār phirī

    bhiik mañgvā.ī faqīroñ tarah shāhoñ ko

    aisī niyyat tirī ai charḳh-e-sitam-gār phirī

    ai 'sabā' dekh liyā ham ne usī tak sab the

    phir gayā saarā jahāñ jab nazar-e-yār phirī

    but-parasti se na tinat meri zinhaar phiri

    subh sau bar KHaridi gai sau bar phiri

    barha qahqahon mein tu ne uDaya hai use

    shama roti teri mahfil se hai sau bar phiri

    chal basi fasl-e-KHizan mausam-e-gul aa pahuncha

    le mubarak ho hawa bulbul-e-gulzar phiri

    ek ja bhi nazar aai na asar ki surat

    girti paDti na kahan aah-e-dil-e-zar phiri

    zulf-e-jaanan ke jo saude mein hua sar-gashta

    sae ki tarah mere sath shab-e-tar phiri

    bhik mangwai faqiron ki tarah shahon ko

    aisi niyyat teri ai charKH-e-sitam-gar phiri

    ai 'saba' dekh liya hum ne usi tak sab the

    phir gaya sara jahan jab nazar-e-yar phiri

    Source:

    • Book : Ghazal Usne Chhedi(3) (Pg. 36)
    • Author : Farhat Ehsas
    • Publication : Rekhta Books (2017)
    • Edition : 2017
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY