butan-e-dahr ki har har ada rangin hoti hai

butān-e-dahr kī har har adā rangīn hotī hai

hasīn sūrat koī ho qābil-e-tahsīn hotī hai

zamīn-e-sher jab us ko atā rangīn hotī hai

tabī.at shā.er-e-fitrat kī kyoñ ġhamgīn hotī hai

tabī.at muztarib bechain aur ġhamgīn hotī hai

magar īfā-e-va.ada par hī kuchh taskīn hotī hai

hamesha ḳhuun hī hotā rahā jazbāt-e-ulfat kā

rifāqat husn vāloñ kī baḌī sangīn hotī hai

ye maanā mausam-e-gul hai magar dāman na phaaḌ apnā

are dīvāne is meñ ishq kī tauhīn hotī hai

jagah deñ laakh āñkhoñ meñ 'shafī.a' mai-ḳhvār-e-mai-ḳhāna

magar phir bhī janāb-e-shaiḳh kī tauhīn hotī hai

butan-e-dahr ki har har ada rangin hoti hai

hasin surat koi ho qabil-e-tahsin hoti hai

zamin-e-sher jab us ko ata rangin hoti hai

tabiat shaer-e-fitrat ki kyon ghamgin hoti hai

tabiat muztarib bechain aur ghamgin hoti hai

magar ifa-e-wada par hi kuchh taskin hoti hai

hamesha KHun hi hota raha jazbaat-e-ulfat ka

rifaqat husn walon ki baDi sangin hoti hai

ye mana mausam-e-gul hai magar daman na phaD apna

are diwane is mein ishq ki tauhin hoti hai

jagah den lakh aankhon mein 'shafia' mai-KHwar-e-mai-KHana

magar phir bhi janab-e-shaiKH ki tauhin hoti hai