buton ka zikr kar waiz KHuda ko kis ne dekha hai

butoñ kā zikr kar vaa.iz ḳhudā ko kis ne dekhā hai

sharār-e-sañg muusā ke liye barq-e-tajallā hai

ye hindustān hai yaañ par butoñ kā roz mela hai

ḳhudā jaane vo but ai 'mehr' devī hai ki durgā hai

tasavvur us sanam kā hai hameñ ka.abe se kyā matlab

charāġh apnā hai dāġh-e-dil hai jo mandir meñ jaltā hai

judā hai ne.mat-e-duniyā se lazzat bosa-e-lab kī

vo jogī ho gayā jis ne ye mohan bhog chakkhā hai

batā jaa.ez hai kis maz.hab meñ ḳhūn-e-be-gunāh zālim

tū hindū hai musalmāñ hai yahūdī hai ki tarsā hai

kiyā kāfir ne kāfir 'mehr' se mard-e-musalmāñ ko

jane.ū rishta-e-tasbīh dāġh-e-sajda Tiika hai

buton ka zikr kar waiz KHuda ko kis ne dekha hai

sharar-e-sang musa ke liye barq-e-tajalla hai

ye hindustan hai yan par buton ka roz mela hai

KHuda jaane wo but ai 'mehr' dewi hai ki durga hai

tasawwur us sanam ka hai hamein kabe se kya matlab

charagh apna hai dagh-e-dil hai jo mandir mein jalta hai

juda hai nemat-e-duniya se lazzat bosa-e-lab ki

wo jogi ho gaya jis ne ye mohan bhog chakkha hai

bata jaez hai kis mazhab mein KHun-e-be-gunah zalim

tu hindu hai musalman hai yahudi hai ki tarsa hai

kiya kafir ne kafir 'mehr' se mard-e-musalman ko

janeu rishta-e-tasbih dagh-e-sajda Tika hai