bu-e-gul bagh mein barham nazar aati hai mujhe

bū-e-gul baaġh meñ barham nazar aatī hai mujhe

fasl-e-gul sūrat-e-shabnam nazar aatī hai mujhe

sham-e-ummīd kī lau bād-e-havādis meñ bhī

apne markaz pe hī har dam nazar aatī hai mujhe

garm-raftār haiñ ḳhurshīd-o-mah-o-arz-o-samā

zindagī jumbish-e-paiham nazar aatī hai mujhe

ġham-o-andoh o masā.ib ke siyah abr meñ bhī

ik tajallī hai jo paiham nazar aatī hai mujhe

jaane kyā aaj gulistāñ meñ payām aayā hai

aañkh har phuul kī pur-nam nazar aatī hai mujhe

shām-e-ġham hai ye ki hai matla-e-shām-e-ummīd

raushnī tāroñ kī maddham nazar aatī hai mujhe

nāla-e-nīm-shabī āh-o-fuġhān-e-saharī

har sadā ishq kī mub.ham nazar aatī hai mujhe

har dar-e-mai-kadā-e-ishq ke aage 'vahshī'

zohd-o-taqvā kī jabīñ ḳham nazar aatī hai mujhe

bu-e-gul bagh mein barham nazar aati hai mujhe

fasl-e-gul surat-e-shabnam nazar aati hai mujhe

sham-e-ummid ki lau baad-e-hawadis mein bhi

apne markaz pe hi har dam nazar aati hai mujhe

garm-raftar hain KHurshid-o-mah-o-arz-o-sama

zindagi jumbish-e-paiham nazar aati hai mujhe

gham-o-andoh o masaib ke siyah abr mein bhi

ek tajalli hai jo paiham nazar aati hai mujhe

jaane kya aaj gulistan mein payam aaya hai

aankh har phul ki pur-nam nazar aati hai mujhe

sham-e-gham hai ye ki hai matla-e-sham-e-ummid

raushni taron ki maddham nazar aati hai mujhe

nala-e-nim-shabi aah-o-fughan-e-sahari

har sada ishq ki mubham nazar aati hai mujhe

har dar-e-mai-kada-e-ishq ke aage 'wahshi'

zohd-o-taqwa ki jabin KHam nazar aati hai mujhe