buzurgon ki duaen sath rakhna
buzurgoñ kī du'ā.eñ saath rakhnā
baḌī lū hai ridā.eñ saath rakhnā
kabūtar uḌ rahe haiñ aarzū ke
tajassus fāḳhtā.eñ saath rakhnā
zahānat burdbārī inkisārī
safar meñ ḳhādmā.eñ saath rakhnā
guñdhā hai jin se mil kar terā bachpan
vo bargad kī jaTā.eñ saath rakhnā
Dubo detī haiñ jo qaumoñ ko pal meñ
na vo rangīñ qabā.eñ saath rakhnā
mujhe jannat meñ gar rakhnā ilāhī
madīne kī havā.eñ saath rakhnā
bhale hī vo judā ho jaa.eñ 'ābid'
magar dil se na jaa.eñ saath rakhnā
buzurgon ki du'aen sath rakhna
baDi lu hai ridaen sath rakhna
kabutar uD rahe hain aarzu ke
tajassus faKHtaen sath rakhna
zahanat burdbari inkisari
safar mein KHadmaen sath rakhna
gundha hai jin se mil kar tera bachpan
wo bargad ki jaTaen sath rakhna
Dubo deti hain jo qaumon ko pal mein
na wo rangin qabaen sath rakhna
mujhe jannat mein gar rakhna ilahi
madine ki hawaen sath rakhna
bhale hi wo juda ho jaen 'abid'
magar dil se na jaen sath rakhna
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
