chahat ka wo KHas qarina yaad hai kya
chāhat kā vo ḳhaas qarīna yaad hai kyā
ik hī cup meñ coffē piinā yaad hai kyā
ab to ham donoñ meñ ḳhāsī duurī hai
saath meñ hañsnā ronā jiinā yaad hai kyā
maktab ko ham 'ishq-ābād samajhte the
'ishq-ābād kā ik ik ziina yaad hai kyā
ab jo tum se pyaar kī bāteñ karte haiñ
un logoñ ke dil kā kiina yaad hai kyā
pyaar kī barsī kab hai ye 'ashfāq' batā
tum ko din aur saal mahīna yaad hai kyā
chahat ka wo KHas qarina yaad hai kya
ek hi cup mein coffee pina yaad hai kya
ab to hum donon mein KHasi duri hai
sath mein hansna rona jina yaad hai kya
maktab ko hum 'ishq-abaad samajhte the
'ishq-abaad ka ek ek zina yaad hai kya
ab jo tum se pyar ki baaten karte hain
un logon ke dil ka kina yaad hai kya
pyar ki barsi kab hai ye 'ashfaq' bata
tum ko din aur sal mahina yaad hai kya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
