chahe jitna sath nibha lo phir bhi bichhaDna paDta hai

chāhe jitnā saath nibhā lo phir bhī bichhaḌnā paḌtā hai

zahr-e-judā.ī ro kar yā phir hañs kar piinā paḌtā hai

dushman par ye jaan nichhāvar karnī bhī paḌ saktī hai

ba.az auqāt to apnī jaañ kā dushman honā paḌtā hai

jaane vaale kab rukte haiñ ruk bhī jaa.eñ to kab tak

jo jo duniyā meñ aatā hai us ko jaanā paḌtā hai

do-dhārī talvār hai duniyā tez haiñ us ke donoñ ruḳh

ashk chhupā kar ronā mushkil lekin ronā paḌtā hai

kitne rog mohabbat vaale logoñ ko khā jaate haiñ

dukh jīvan kā sāthī hai jo sab ko sahnā paḌtā hai

ek mohabbat kā jazba jo lafzoñ kā muhtāj nahīñ

lekin phir bhī kabhī kabhī ye lafz bhī kahnā paḌtā hai

chahe jitna sath nibha lo phir bhi bichhaDna paDta hai

zahr-e-judai ro kar ya phir hans kar pina paDta hai

dushman par ye jaan nichhawar karni bhi paD sakti hai

baz auqat to apni jaan ka dushman hona paDta hai

jaane wale kab rukte hain ruk bhi jaen to kab tak

jo jo duniya mein aata hai us ko jaana paDta hai

do-dhaari talwar hai duniya tez hain us ke donon ruKH

ashk chhupa kar rona mushkil lekin rona paDta hai

kitne rog mohabbat wale logon ko kha jate hain

dukh jiwan ka sathi hai jo sab ko sahna paDta hai

ek mohabbat ka jazba jo lafzon ka muhtaj nahin

lekin phir bhi kabhi kabhi ye lafz bhi kahna paDta hai