chahta jaisa hun waisa nahin hone deta

chāhtā jaisā huuñ vaisā nahīñ hone detā

aa.ina mujh ko akelā nahīñ hone detā

ek rishta hai bahut din se ta.āqub meñ mire

merā saaya mujhe tanhā nahīñ hone detā

parda-e-shab se nikalne kā nahīñ letā naam

aaj sūraj hī saverā nahīñ hone detā

isī ik buuñd meñ ḳhud Duub na jaa.e vo kahīñ

ek qatre ko jo dariyā nahīñ hone detā

ye ravayya hai bahar-hāl mohabbat kī dalīl

zaḳhm detā hai to gahrā nahīñ hone detā

bāl-o-par mujh ko mayassar to kiye haiñ us ne

is tabī.at ko parinda nahīñ hone detā

roz miltā hai 'qamar' TuuT ke mujh se lekin

apne andar koī dar vā nahīñ hone detā

chahta jaisa hun waisa nahin hone deta

aaina mujh ko akela nahin hone deta

ek rishta hai bahut din se taaqub mein mere

mera saya mujhe tanha nahin hone deta

parda-e-shab se nikalne ka nahin leta nam

aaj suraj hi sawera nahin hone deta

isi ek bund mein KHud Dub na jae wo kahin

ek qatre ko jo dariya nahin hone deta

ye rawayya hai bahar-haal mohabbat ki dalil

zaKHm deta hai to gahra nahin hone deta

baal-o-par mujh ko mayassar to kiye hain us ne

is tabiat ko parinda nahin hone deta

roz milta hai 'qamar' TuT ke mujh se lekin

apne andar koi dar wa nahin hone deta