chahti hai aaKHir kya aagahi KHuda-malum

chāhtī hai āḳhir kyā āgahī ḳhudā-mā'lūm

kitne rang badlegī zindagī ḳhudā-mā'lūm

kal to ḳhair ai rahbar tere saath rahrav the

aaj kis pe hañstī hai gumrahī ḳhudā-mā'lūm

ab bhī sub.h hotī hai ab bhī din nikaltā hai

jā chhipī kahāñ lekin raushnī ḳhudā-mā'lūm

rāstī gurezāñ hai āshtī hirāsāñ hai

kis se kis se uljhegā aadmī ḳhudā-mā'lūm

ab to vaqt aayā hai Duub kar ubharne kā

kitnī kashtiyāñ Dūbīñ aur abhī ḳhudā-mā'lūm

zauq-e-naġhma-e-pairā.ī tū hī baḌh ke de āvāz

kab se ġharq-e-hairat hai ḳhāmushī ḳhudā-mā'lūm

sirf bhiik māñgī thī ham ne ādmiyyat kī

kyuuñ biphar ga.e 'yāqūb' mudda'ī ḳhudā-mā'lūm

chahti hai aaKHir kya aagahi KHuda-ma'lum

kitne rang badlegi zindagi KHuda-ma'lum

kal to KHair ai rahbar tere sath rahraw the

aaj kis pe hansti hai gumrahi KHuda-ma'lum

ab bhi subh hoti hai ab bhi din nikalta hai

ja chhipi kahan lekin raushni KHuda-ma'lum

rasti gurezan hai aashti hirasan hai

kis se kis se uljhega aadmi KHuda-ma'lum

ab to waqt aaya hai Dub kar ubharne ka

kitni kashtiyan Dubin aur abhi KHuda-ma'lum

zauq-e-naghma-e-pairai tu hi baDh ke de aawaz

kab se gharq-e-hairat hai KHamushi KHuda-ma'lum

sirf bhik mangi thi hum ne aadmiyyat ki

kyun biphar gae 'yaqub' mudda'i KHuda-ma'lum