chaak daman bhi hua chaak-e-gareban ki tarah

Rauf Yasin Jalali

chaak daman bhi hua chaak-e-gareban ki tarah

Rauf Yasin Jalali

MORE BYRauf Yasin Jalali

    chaak dāman bhī huā chāk-e-garebāñ tarah

    aañkh barse hai shab-e-ġham abr-e-bārāñ tarah

    vaa.e qismat chhā ga.ī ḳhāmoshī dil meñ kis qadar

    bujh gayā huuñ maiñ charāġh-e-gor-e-vīrāñ tarah

    us gul-e-rā.anā ulfat chhup nahīñ saktī kabhī

    ubhrā hai dāġh-e-vafā mehr-e-daraḳhshāñ tarah

    hai karāmat ishq pahuñchā maiñ bām-e-arsh tak

    goyā ik darvesh huuñ maiñ ahl-e-irfāñ tarah

    in ke va.ade ne mujhe baḳhshā hai zauq-e-zindagī

    khil gayā dil ġhuncha-e-jashn-e-bahārāñ tarah

    pūchh mat mujh se hai kaisī lazzat-e-soz-e-darūñ

    jāñ-gudāzī hai mirī sham-e-farozāñ tarah

    ghar nahīñ daulat nahīñ hurmat nahīñ satvat nahīñ

    ham bhī kyā āvāra haiñ gardūn-e-gardāñ tarah

    mahfil-e-yārāñ nahīñ bazm-e-bahārāñ bhī nahīñ

    ham jiye haiñ sākin-e-shahr-e-ḳhamoshāñ tarah

    bekasī chashm-e-falak ne dam-ba-dam dekhī mirī

    duniyā meñ aajiz kahāñ mujh ḳhāna-vīrāñ tarah

    afsar-e-ḳhūbāñ 'jalālī' Thahrā hai jab se koī

    gulshan-e-dil zebā hai firdaus-e-rizvāñ tarah

    chaak daman bhi hua chaak-e-gareban ki tarah

    aankh barse hai shab-e-gham abr-e-baran ki tarah

    wae qismat chha gai KHamoshi dil mein kis qadar

    bujh gaya hun main charagh-e-gor-e-viran ki tarah

    us gul-e-raana ki ulfat chhup nahin sakti kabhi

    ubhra hai dagh-e-wafa mehr-e-daraKHshan ki tarah

    hai karamat ishq ki pahuncha main baam-e-arsh tak

    goya ek darwesh hun main ahl-e-irfan ki tarah

    in ke wade ne mujhe baKHsha hai zauq-e-zindagi

    khil gaya dil ghuncha-e-jashn-e-bahaaran ki tarah

    puchh mat mujh se hai kaisi lazzat-e-soz-e-darun

    jaan-gudazi hai meri sham-e-farozan ki tarah

    ghar nahin daulat nahin hurmat nahin satwat nahin

    hum bhi kya aawara hain gardun-e-gardan ki tarah

    mahfil-e-yaran nahin bazm-e-bahaaran bhi nahin

    hum jiye hain sakin-e-shahr-e-KHamoshan ki tarah

    bekasi chashm-e-falak ne dam-ba-dam dekhi meri

    duniya mein aajiz kahan mujh KHana-viran ki tarah

    afsar-e-KHuban 'jalali' Thahra hai jab se koi

    gulshan-e-dil zeba hai firdaus-e-rizwan ki tarah

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY