chaak ki KHwahish agar wahshat ba-uryani kare
chaak kī ḳhvāhish agar vahshat ba-uryānī kare
sub.h ke mānind zaḳhm-e-dil garebānī kare
jalve kā tere vo aalam hai ki gar kiije ḳhayāl
dīda-e-dil ko ziyārat-gāh-e-hairānī kare
hai shikastan se bhī dil naumīd yā rab kab talak
ābgīna koh par arz-e-girāñ-jānī kare
mai-kada gar chashm-e-mast-e-nāz se paave shikast
mū-e-shīsha dīda-e-sāġhar kī mizhgānī kare
ḳhatt-e-āriz se likhā hai zulf ko ulfat ne ahd
yak-qalam manzūr hai jo kuchh pareshānī kare
chaak ki KHwahish agar wahshat ba-uryani kare
subh ke manind zaKHm-e-dil garebani kare
jalwe ka tere wo aalam hai ki gar kije KHayal
dida-e-dil ko ziyarat-gah-e-hairani kare
hai shikastan se bhi dil naumid ya rab kab talak
aabgina koh par arz-e-giran-jaani kare
mai-kada gar chashm-e-mast-e-naz se pawe shikast
mu-e-shisha dida-e-saghar ki mizhgani kare
KHatt-e-ariz se likha hai zulf ko ulfat ne ahd
yak-qalam manzur hai jo kuchh pareshani kare
Source:
Deewan-e-Ghalib Jadeed (Pg. 329)
- Author: Mirza Ghalib
-
- Publisher: Madhya Pradesh Urdu Academy, Bhopal
- Year of Publication: 1982
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
