chaak par kuza-gar hai mahw-e-suKHan

chaak par kūza-gar hai mahv-e-suḳhan

gul khile jā rahe haiñ dasht-o-daman

ham darīda-badan darīda-badan

ik na.e zāviye pe naqsh-e-kuhan

sher-o-shā.ir hue haiñ shīr-o-shakar

kyā baham ho ga.e zamīn-o-zaman

ek haijān nisbatoñ meñ kahīñ

ek reg-e-ravāñ hai dasht-e-suḳhan

mujh se kyā pūchhtī hai sairābī

kaise rahte haiñ log tishna-dahan

talḳh tezābī tursh-tar lahja

un ke mābain ek shīrīñ-dahan

haa.e dīvār-e-girya haa.e haa.e

terī peshānī pe haiñ kitnī shikan

kyā vahāñ bhī bagūle uThte haiñ

aao dekh aa.eñ chal ke sū-e-adan

āsmāñ chup hai aur zamīñ ḳhāmosh

kuchh ḳhabar hai tumheñ bhī arz-e-vatan

chaak par kuza-gar hai mahw-e-suKHan

gul khile ja rahe hain dasht-o-daman

hum darida-badan darida-badan

ek nae zawiye pe naqsh-e-kuhan

sher-o-shair hue hain shir-o-shakar

kya baham ho gae zamin-o-zaman

ek haijaan nisbaton mein kahin

ek reg-e-rawan hai dasht-e-suKHan

mujh se kya puchhti hai sairabi

kaise rahte hain log tishna-dahan

talKH tezabi tursh-tar lahja

un ke mabain ek shirin-dahan

hae diwar-e-girya hae hae

teri peshani pe hain kitni shikan

kya wahan bhi bagule uThte hain

aao dekh aaen chal ke su-e-adan

aasman chup hai aur zamin KHamosh

kuchh KHabar hai tumhein bhi arz-e-watan