chand apna safar KHatm karta raha shama jalti rahi raat Dhalti rahi

Abdur Rahman Asif

chand apna safar KHatm karta raha shama jalti rahi raat Dhalti rahi

Abdur Rahman Asif

MORE BYAbdur Rahman Asif

    chāñd apnā safar ḳhatm kartā rahā sham.a jaltī rahī raat Dhaltī rahī

    ham tirī raah chup-chāp dekhā kiye ye kahānī isī tarah chaltī rahī

    be-qarārī shab-e-hijr kyā kahūñ yaad terī kalejā masaltī rahī

    chain dil se nigāheñ churātā rahā niiñd āñkhoñ meñ karvaT badaltī rahī

    tāqat-e-zabt koshisheñ ik taraf sard aahoñ zor aur shor ik taraf

    aañsū āñkhoñ se ruk ruk ke bahte rahe barf jamtī rahī aur pighaltī rahī

    ham tirī yaad meñ is tarah mahv the kuchh ḳhabar na māhaul ho sakī

    ġham nāgin kaleje pe baiThī huī muñh se sho.ale pe sho.ale ugaltī rahī

    uf re pās-e-mohabbat majbūriyāñ umr ummīd meñ basar ho ga.ī

    sub.h hotī rahī shaam hotī rahī baat va.adoñ va.adoñ pe Taltī rahī

    bāvajūde-ki maḳhfī kisī se na thā kār-gāh-e-jahāñ jaa.e māñdan nahīñ

    hukm-e-fitrat ta.amīl hotī rahī sāñcha bantā rahā shakl Dhaltī rahī

    hajv-e-mai mimbar-e-ḳhisht-e-mai-ḳhāna par us pe turra ye saaqī ke hote hue

    muft shaġhl rindoñ ke haath aa gayā ḳhuub vaa.iz pagḌī uchhaltī rahī

    barq-e-hirmāñ girī aur girtī rahī baal biikā na ummīd kar sakī

    valvaloñ ke paraḳhche uḌe bujhā par tamanna qindīl jaltī rahī

    uf vo mub.ham se tevar uchaTtī nazar ham dorāhe pe vahm-o-yaqīñ ke rahe

    sham-e-umīd turfa-tamāsha banī ḳhud bujhtī rahī ḳhud jaltī rahī

    vo mohabbat sahbā-e-do-ātisha mere ham-mashrabo mai-kade meñ kahāñ

    un nigāhoñ kaif-e-shabāna liye ḳhalvat-e-be-ḳhalal meñ jo Dhaltī rahī

    ġhuncha-o-gul jab tak zamāna rahā 'āsif' apnī tabī.at rahī josh par

    kaif-e-ishrat fazā se Tapaktā rahā aish mai zamīñ se ubaltī rahī

    chand apna safar KHatm karta raha shama jalti rahi raat Dhalti rahi

    hum teri rah chup-chap dekha kiye ye kahani isi tarah chalti rahi

    be-qarari shab-e-hijr ki kya kahun yaad teri kaleja masalti rahi

    chain dil se nigahen churaata raha nind aankhon mein karwaT badalti rahi

    taqat-e-zabt ki koshishen ek taraf sard aahon ka zor aur shor ek taraf

    aansu aankhon se ruk ruk ke bahte rahe barf jamti rahi aur pighalti rahi

    hum teri yaad mein is tarah mahw the kuchh KHabar hi na mahaul ki ho saki

    gham ki nagin kaleje pe baiThi hui munh se shoale pe shoale ugalti rahi

    uf re pas-e-mohabbat ki majburiyan umr ummid hi mein basar ho gai

    subh hoti rahi sham hoti rahi baat wadon hi wadon pe Talti rahi

    bawajude-ki maKHfi kisi se na tha kar-gah-e-jahan jae mandan nahin

    hukm-e-fitrat ki tamil hoti rahi sancha banta raha shakl Dhalti rahi

    hajw-e-mai mimbar-e-KHisht-e-mai-KHana par us pe turra ye saqi ke hote hue

    muft ka shaghl rindon ke hath aa gaya KHub waiz ki pagDi uchhalti rahi

    barq-e-hirman giri aur girti rahi baal bika na ummid ka kar saki

    walwalon ke paraKHche uDe ji bujha par tamanna ki qindil jalti rahi

    uf wo mubham se tewar uchaTti nazar hum dorahe pe wahm-o-yaqin ke rahe

    sham-e-umid turfa-tamasha bani KHud hi bujhti rahi KHud hi jalti rahi

    wo mohabbat ki sahba-e-do-atisha mere ham-mashrabo mai-kade mein kahan

    un nigahon ka kaif-e-shabana liye KHalwat-e-be-KHalal mein jo Dhalti rahi

    ghuncha-o-gul ka jab tak zamana raha 'asif' apni tabiat rahi josh par

    kaif-e-ishrat faza se Tapakta raha aish ki mai zamin se ubalti rahi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now