chand kal aisa laga taron ke bich

chāñd kal aisā lagā tāroñ ke biich

koī 'āshiq jaise ġham-ḳhvāroñ ke biich

sab se tanhā log sahrā meñ nahīñ

ghūmte phirte haiñ bāzāroñ ke biich

ek saaya aur bhī āñgan meñ thā

dhuup meñ baiThe hue yāroñ ke biich

maut jis ke naam se tum Dar ga.e

roz kā qissa hai bīmāroñ ke biich

kaun se dil se ise ham ghar kaheñ

ek chhat hai chaar dīvāroñ ke biich

kaisī khul kar saañs aatī thī mujhe

ho gayā bīmār bīmāroñ ke biich

chand kal aisa laga taron ke bich

koi 'ashiq jaise gham-KHwaron ke bich

sab se tanha log sahra mein nahin

ghumte phirte hain bazaron ke bich

ek saya aur bhi aangan mein tha

dhup mein baiThe hue yaron ke bich

maut jis ke nam se tum Dar gae

roz ka qissa hai bimaron ke bich

kaun se dil se ise hum ghar kahen

ek chhat hai chaar diwaron ke bich

kaisi khul kar sans aati thi mujhe

ho gaya bimar bimaron ke bich