chand nikla gagan mein kya kya kuchh

chāñd niklā gagan meñ kyā kyā kuchh

dard chamkā badan meñ kyā kyā kuchh

chāñd sūraj zamīn sayyāre

Dhal rahe haiñ suḳhan meñ kyā kyā kuchh

dasht maidāñ nadī pahāḌ guphā

hai isī ik badan meñ kyā kyā kuchh

naam us kā zabāñ par aate hī

gudgudāyā badan meñ kyā kyā kuchh

kaun aayā barā.e sair-e-chaman

phuul mahke chaman meñ kyā kyā kuchh

shāḳh par āshiyāñ ke bante hī

barq chamkī gagan meñ kyā kyā kuchh

phir lage zaḳhm teġh-e-abrū ke

phuul mahke badan meñ kyā kyā kuchh

ek tum hī nahīñ adiib 'niyāz'

ham bhī haiñ ilm-o-fan meñ kyā kyā kuchh

chand nikla gagan mein kya kya kuchh

dard chamka badan mein kya kya kuchh

chand suraj zamin sayyare

Dhal rahe hain suKHan mein kya kya kuchh

dasht maidan nadi pahaD gupha

hai isi ek badan mein kya kya kuchh

nam us ka zaban par aate hi

gudgudaya badan mein kya kya kuchh

kaun aaya barae sair-e-chaman

phul mahke chaman mein kya kya kuchh

shaKH par aashiyan ke bante hi

barq chamki gagan mein kya kya kuchh

phir lage zaKHm tegh-e-abru ke

phul mahke badan mein kya kya kuchh

ek tum hi nahin adib 'niyaz'

hum bhi hain ilm-o-fan mein kya kya kuchh