aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

chand nikle na kahin yar purane nikle

Sarwar nepali

chand nikle na kahin yar purane nikle

Sarwar nepali

MORE BYSarwar nepali

    chāñd nikle na kahīñ yaar purāne nikle

    koī kambaḳht mirā dil to jalāne nikle

    ġham-e-nāzuk ko tabassum ne kiyā parda-nashīñ

    ashk dushman tarah raaz batāne nikle

    maiñ to bas sard havā khāne ko chhat par aayā

    vo bhī sūkhe hue kapḌoñ ko uThāne nikle

    us ġham thā ki mire dil pe sulaimāñ mohr

    ashk nikle ki ye motī ke ḳhazāne nikle

    mujh pe sahrā meñ bhī ik sañg kisī ne pheñkā

    mere aage to ye majzūb siyāne nikle

    daur-e-hāzir ke suḳhan-sāz haiñ kis ujlat meñ

    sub.h dīvān kahā shaam chhapāne nikle

    phir se betāb hai us chāñd paara paara

    haa.e vo chāñd to uñglī ko nachāne nikle

    mushk-e-nepal ne aalam se mashā.iḳh khīñche

    khodī miTTī to ka.ī dafan ḳhazāne nikle

    terī galiyoñ patā mushk se mālūm kiyā

    phir usī or ka.ī bigḌī banāne nikle

    chand nikle na kahin yar purane nikle

    koi kambaKHt mera dil to jalane nikle

    gham-e-nazuk ko tabassum ne kiya parda-nashin

    ashk dushman ki tarah raaz batane nikle

    main to bas sard hawa khane ko chhat par aaya

    wo bhi sukhe hue kapDon ko uThane nikle

    us ka gham tha ki mere dil pe sulaiman ki mohr

    ashk nikle ki ye moti ke KHazane nikle

    mujh pe sahra mein bhi ek sang kisi ne phenka

    mere aage to ye majzub siyane nikle

    daur-e-hazir ke suKHan-saz hain kis ujlat mein

    subh diwan kaha sham chhapane nikle

    phir se betab hai us chand ka para para

    hae wo chand to ungli ko nachane nikle

    mushk-e-nepal ne aalam se mashaiKH khinche

    khodi miTTi to kai dafan KHazane nikle

    teri galiyon ka pata mushk se malum kiya

    phir usi or kai bigDi banane nikle

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now