chand suraj shafaq kahkashan KHatm-shud
chāñd sūraj shafaq kahkashāñ ḳhatm-shud
ab uḌuuñ kis taraf āsmāñ ḳhatm-shud
regzār-e-yaqīñ tā-ba-hadd-e-nazar
sabza-zār-e-ḳhayāl-o-gumāñ ḳhatm-shud
phir huā yuuñ ki aañkh ek dam khul ga.ī
muḳhtasar ye ki bas dāstāñ ḳhatm-shud
fikr ke saare gul-būTe murjhā ga.e
zehn kī saarī shādābiyāñ ḳhatm-shud
us ne aate hī sab khiḌkiyāñ khol diiñ
daf.atan sar meñ thā jo dhuāñ ḳhatm-shud
rishte-nāte sabhī juuñ ke tuuñ haiñ magar
ik taqaddus jo thā darmiyāñ ḳhatm-shud
zehn ko ab nichoḌūñ to Tapke ġhazal
thī kabhī vo jo tab-e-ravāñ ḳhatm-shud
chand suraj shafaq kahkashan KHatm-shud
ab uDun kis taraf aasman KHatm-shud
regzar-e-yaqin ta-ba-hadd-e-nazar
sabza-zar-e-KHayal-o-guman KHatm-shud
phir hua yun ki aankh ek dam khul gai
muKHtasar ye ki bas dastan KHatm-shud
fikr ke sare gul-buTe murjha gae
zehn ki sari shadabiyan KHatm-shud
us ne aate hi sab khiDkiyan khol din
dafatan sar mein tha jo dhuan KHatm-shud
rishte-nate sabhi jun ke tun hain magar
ek taqaddus jo tha darmiyan KHatm-shud
zehn ko ab nichoDun to Tapke ghazal
thi kabhi wo jo tab-e-rawan KHatm-shud
Source:
Rooh-e-Ghazal,Pachas Sala Intekhab (Pg. 761)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
