chandni-raat hai taron ka saman baqi hai
Interesting Fact
2002
chāñdnī-rāt hai tāroñ kā samāñ baaqī hai
tujh se mil mil ke bichhaḌne kā gumāñ baaqī hai
ab to bas naam hai yā sañg-e-nishāñ baaqī hai
kaisī bastī hai makīñ haiñ na makāñ baaqī hai
ātish-e-ishq bujhe ek zamāna guzrā
raakh ke Dher tale ab bhī dhuāñ baaqī hai
kitnī sadiyoñ se to sargarm-e-amal hai duniyā
us ke bā-vasf magar kār-e-jahāñ baaqī hai
har taraf aam hai insāñ kī tabāhī kā chalan
kyā kahīñ dahr meñ ab jā-e-amāñ baaqī hai
chandni-raat hai taron ka saman baqi hai
tujh se mil mil ke bichhaDne ka guman baqi hai
ab to bas nam hai ya sang-e-nishan baqi hai
kaisi basti hai makin hain na makan baqi hai
aatish-e-ishq bujhe ek zamana guzra
rakh ke Dher tale ab bhi dhuan baqi hai
kitni sadiyon se to sargarm-e-amal hai duniya
us ke ba-wasf magar kar-e-jahan baqi hai
har taraf aam hai insan ki tabahi ka chalan
kya kahin dahr mein ab ja-e-aman baqi hai
Source:
Shahar Ki Faseelon Se (Pg. 48)
- Author: Noor Muneeri
-
- Edition: 2004
- Publisher: Khan Publications
- Year of Publication: 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
