chaar din hai ye jawani na bahut josh mein aa

chaar din hai ye javānī na bahut josh meñ aa

ai but-e-mast-e-mai-husn zarā hosh meñ aa

dil ye kahtā hai jo vo sham-e-ezār aa nikle

ban ke fānūs pukārūñ mire āġhosh meñ aa

qadam-e-yār kā āvāza har ik gul par hai

amn chāhe jo ḳhizāñ se mirī pā-posh meñ aa

mere sheroñ ke jo mushtāq haiñ farmāte haiñ

dur-e-mazmūñ sadaf-e-lab se nikal gosh meñ aa

be-qarār aise sitāre durr-e-ġhaltāñ ho jaa.eñ

aap jhamkī se jo farmā.eñ nayā gosh meñ aa

piir huuñ bojh mohabbat kā uThā.ūñ kyūñkar

phir javānī ko pukāroñ ki barū dosh meñ aa

basar-e-pīr-e-muġhāñ ruuh tū hī hī ai ruuh

jald shīshe se nikal jism-e-qadh-e-nosh meñ aa

baiTh kar yaar ke pahlū meñ jo uThtā huuñ kabhī

pā-e-ḳhvābīda ye kahtā hai mujhe hosh meñ aa

roz-e-bad ek na ik din tujhe nañgiyā legā

ai zarī-posh ham ahbāb-e-namad-posh meñ aa

daaġh ho jā.egā ye taaj zarī kā ai sham.a

jī jalāne ko na ḳhūbān-e-zarī-posh meñ aa

ne.amat-e-ġhaib se kahtī hai muhavvis kī havā

uḌ ke jauhar kī tarah deg se sar-posh meñ aa

daaġh haiñ ek ke par kaale bhaḌak uTheñge

dekh o fasl-e-bahārī na bahut josh meñ aa

naql-e-mahfil nazar aatā nahīñ koī ham meñ

shaiḳh masjid se nikal bazm-e-nai-o-nosh meñ aa

vasl meñ fasl na baaqī rahe ai jān-e-jahāñ

jaise pahlū meñ hai dil yuuñ mire āġhosh meñ aa

haath aa.egā muqarrar vo ġhazāl-e-vahashī

'bahr' chartī hai kahāñ aql zarā hosh meñ aa

chaar din hai ye jawani na bahut josh mein aa

ai but-e-mast-e-mai-husn zara hosh mein aa

dil ye kahta hai jo wo sham-e-ezar aa nikle

ban ke fanus pukarun mere aaghosh mein aa

qadam-e-yar ka aawaza har ek gul par hai

amn chahe jo KHizan se meri pa-posh mein aa

mere sheron ke jo mushtaq hain farmate hain

dur-e-mazmun sadaf-e-lab se nikal gosh mein aa

be-qarar aise sitare durr-e-ghaltan ho jaen

aap jhamki se jo farmaen naya gosh mein aa

pir hun bojh mohabbat ka uThaun kyunkar

phir jawani ko pukaron ki baru dosh mein aa

basar-e-pir-e-mughan ruh tu hi hi ai ruh

jald shishe se nikal jism-e-qadh-e-nosh mein aa

baiTh kar yar ke pahlu mein jo uThta hun kabhi

pa-e-KHwabida ye kahta hai mujhe hosh mein aa

roz-e-bad ek na ek din tujhe nangiya lega

ai zari-posh hum ahbab-e-namad-posh mein aa

dagh ho jaega ye taj zari ka ai shama

ji jalane ko na KHuban-e-zari-posh mein aa

neamat-e-ghaib se kahti hai muhawwis ki hawa

uD ke jauhar ki tarah deg se sar-posh mein aa

dagh hain ek ke par kale bhaDak uThenge

dekh o fasl-e-bahaari na bahut josh mein aa

naql-e-mahfil nazar aata nahin koi hum mein

shaiKH masjid se nikal bazm-e-nai-o-nosh mein aa

wasl mein fasl na baqi rahe ai jaan-e-jahan

jaise pahlu mein hai dil yun mere aaghosh mein aa

hath aaega muqarrar wo ghazal-e-wahashi

'bahr' charti hai kahan aql zara hosh mein aa