chaar-su hai baDi wahshat ka saman

Fahmida Riaz

chaar-su hai baDi wahshat ka saman

Fahmida Riaz

MORE BYFahmida Riaz

    chār-sū hai baḌī vahshat samāñ

    kisī aaseb saaya hai yahāñ

    koī āvāz hai marsiyāñ-ḳhvāñ

    shahr shahr banā goristāñ

    ek maḳhlūq jo bastī hai yahāñ

    jis pe insāñ guzartā hai gumāñ

    ḳhud to sākit hai misāl-e-tasvīr

    jumbish-e-ġhair se hai raqs-kunāñ

    koī chehra nahīñ juz zer-e-naqāb

    na koī jism hai juz be-dil-o-jāñ

    ulmā haiñ dushman-e-fahm-o-tahaqīq

    kodanī sheva-e-dānish-mandāñ

    shā.ir-e-qaum pe ban aa.ī hai

    kizb kaise ho tasavvuf meñ nihāñ

    lab haiñ masrūf-e-qasīda-goī

    aur āñkhoñ meñ hai zillat uryāñ

    sabz ḳhat āqibat-o-dīñ ke asiir

    pārsā ḳhush-tan-o-nau-ḳhez javāñ

    ye zan-e-naġhma-gar-o-ishq-shi.ār

    yās-o-hasrat se huī hai hairāñ

    kis se ab ārzū-e-vasl kareñ

    is ḳharābe meñ koī mard kahāñ

    chaar-su hai baDi wahshat ka saman

    kisi aaseb ka saya hai yahan

    koi aawaz si hai marsiyan-KHwan

    shahr ka shahr bana goristan

    ek maKHluq jo basti hai yahan

    jis pe insan ka guzarta hai guman

    KHud to sakit hai misal-e-taswir

    jumbish-e-ghair se hai raqs-kunan

    koi chehra nahin juz zer-e-naqab

    na koi jism hai juz be-dil-o-jaan

    ulma hain dushman-e-fahm-o-tahaqiq

    kodani shewa-e-danish-mandan

    shair-e-qaum pe ban aai hai

    kizb kaise ho tasawwuf mein nihan

    lab hain masruf-e-qasida-goi

    aur aankhon mein hai zillat uryan

    sabz KHat aaqibat-o-din ke asir

    parsa KHush-tan-o-nau-KHez jawan

    ye zan-e-naghma-gar-o-ishq-shiar

    yas-o-hasrat se hui hai hairan

    kis se ab aarzu-e-wasl karen

    is KHarabe mein koi mard kahan

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY