chaar unsur se bana hai jism-e-pak

chaar unsur se banā hai jism-e-pāk

haiñ ye chāroñ bād-o-ātish āb-o-ḳhāk

az pai-takmīl-e-tahqīqāt-e-ilm

ho gayā lāzim ḳhalī kā ishtirāk

aql-o-dil īzād ho kar ho ga.e

shash-jihāt-o-haft-manzil tābnāk

jab irādat se huā us kā zuhūr

aa gayā pindār kā gardish meñ chaak

rūh-e-āzam se huvaidā ho ga.ī

vo irādat jis ne dam kī rūh-e-pāk

rūh-e-āzam kyā hai vo zāt-e-qadīm

hai zabān-e-ilm meñ jo jān-e-pāk

vahdat-o-kasrat meñ 'sāhir' hai ayaañ

jaan yā nūr-e-qadam yā zāt-e-pāk

chaar unsur se bana hai jism-e-pak

hain ye chaaron baad-o-atish aab-o-KHak

az pai-takmil-e-tahqiqat-e-ilm

ho gaya lazim KHali ka ishtirak

aql-o-dil izad ho kar ho gae

shash-jihat-o-haft-manzil tabnak

jab iradat se hua us ka zuhur

aa gaya pindar ka gardish mein chaak

ruh-e-azam se huwaida ho gai

wo iradat jis ne dam ki ruh-e-pak

ruh-e-azam kya hai wo zat-e-qadim

hai zaban-e-ilm mein jo jaan-e-pak

wahdat-o-kasrat mein 'sahir' hai ayan

jaan ya nur-e-qadam ya zat-e-pak