chaDha hua hai jo dariya utarne wala hai
chaḌhā huā hai jo dariyā utarne vaalā hai
ab is kahānī kā kirdār marne vaalā hai
ye āgahī hai kisī hādse ke aamad kī
badan kā saarā asāsa bikharne vaalā hai
zarā sī der meñ zanjīr TuuT jā.egī
junūn apnī hadoñ se guzarne vaalā hai
sunā hai shahr meñ aayā hai jādū-gar koī
tamām shahr ko tasvīr karne vaalā hai
tamām shahr banāyā gayā hai ā.īna
ye aaj kis kā sarāpā sañvarne vaalā hai
'shakīl' ham se kisī ko shikāyateñ haiñ bahut
chalo koī to hameñ pyaar karne vaalā hai
chaDha hua hai jo dariya utarne wala hai
ab is kahani ka kirdar marne wala hai
ye aagahi hai kisi hadse ke aamad ki
badan ka sara asasa bikharne wala hai
zara si der mein zanjir TuT jaegi
junun apni hadon se guzarne wala hai
suna hai shahr mein aaya hai jadu-gar koi
tamam shahr ko taswir karne wala hai
tamam shahr banaya gaya hai aaina
ye aaj kis ka sarapa sanwarne wala hai
'shakil' hum se kisi ko shikayaten hain bahut
chalo koi to hamein pyar karne wala hai
Source:
Dil Parinda Hai (Pg. 33)
- Author: Shakeel Azmi
-
- Edition: First
- Publisher: Rekhta Publications
- Year of Publication: 2023
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
