chain duniya mein zamin se ta-falak dam bhar nahin
![Imam Bakhsh Nasikh Imam Bakhsh Nasikh](https://rekhta.pc.cdn.bitgravity.com/Images/Shayar/round/imam-bakhsh-nasikh.png)
chain duniya mein zamin se ta-falak dam bhar nahin
Imam Bakhsh Nasikh
MORE BYImam Bakhsh Nasikh
chain duniyā meñ zamīñ se tā-falak dam bhar nahīñ
daaġh haiñ ye gul nahīñ nāsūr haiñ aḳhtar nahīñ
sar rahe yā jaa.e kuchh ham mai-kashoñ ko Dar nahīñ
kaun sā mīnā-e-mai ai mohtasib be-sar nahīñ
vo but-e-shīrīñ-adā kartā hai mujh ko sañgsār
ye shakar-pāre baraste haiñ junūñ patthar nahīñ
ho rahā hai ek aalam tere abrū par nisār
kaun gardan hai jahāñ meñ jo tah-e-ḳhanjar nahīñ
dam nikalne par jo aatā hai nahīñ ruktā hai phir
dekh lo qasr-e-habāb ai ahl-e-ġhaflat dar nahīñ
aadmī to kyā vo kahtā hai nishān-e-pā se bhī
kyuuñ paḌā hai mere kūche meñ tirā kyā ghar nahīñ
ai tasavvur kyuuñ butoñ ko jamā kartā hai yahāñ
dil mirā ka.aba hai kuchh but-ḳhāna-e-āzar nahīñ
shikva jo be-naukrī kā karte haiñ nādān haiñ
aap aaqā hai kisī kā jo koī naukar nahīñ
hai ḳharābāt-e-jahāñ meñ bhī vo saaqī se nufūr
jo ki ai 'nāsiḳh' ġhulām-e-sāqī-e-kausar nahīñ
chain duniya mein zamin se ta-falak dam bhar nahin
dagh hain ye gul nahin nasur hain aKHtar nahin
sar rahe ya jae kuchh hum mai-kashon ko Dar nahin
kaun sa mina-e-mai ai mohtasib be-sar nahin
wo but-e-shirin-ada karta hai mujh ko sangsar
ye shakar-pare baraste hain junun patthar nahin
ho raha hai ek aalam tere abru par nisar
kaun gardan hai jahan mein jo tah-e-KHanjar nahin
dam nikalne par jo aata hai nahin rukta hai phir
dekh lo qasr-e-habab ai ahl-e-ghaflat dar nahin
aadmi to kya wo kahta hai nishan-e-pa se bhi
kyun paDa hai mere kuche mein tera kya ghar nahin
ai tasawwur kyun buton ko jama karta hai yahan
dil mera kaba hai kuchh but-KHana-e-azar nahin
shikwa jo be-naukri ka karte hain nadan hain
aap aaqa hai kisi ka jo koi naukar nahin
hai KHarabaat-e-jahan mein bhi wo saqi se nufur
jo ki ai 'nasiKH' ghulam-e-saqi-e-kausar nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.