chain ho ya bechaini ho pahle dil ghabraega

chain ho yā bechainī ho pahle dil ghabrā.egā

jaate jaate jā.egī aate aate aa.egā

qāsid aane jaane meñ thak thak kar ghabrā.egā

jā.egā phir aa.egā aa.egā phir jā.egā

DhūñDne vaalī nazroñ nazroñ dekheñge pahlū kī taraf

un kī is dil-jūī par merā dil itrā.egā

dil meñ ummīdeñ lākhoñ thiiñ kuchh niklīñ haiñ kuchh baaqī haiñ

ḳhair kabhī phir aaoge phir kabhī dekhā jā.egā

dair-o-haram ke mālik se ham kuchh māñgeñ bhī to sahī

hai vo baḌā dene vaalā degā yā dilvā.egā

dil ke ḳhud āzār-o-alam dil kī qadr baḌhā.eñge

hogā ye iksīr magar ḳhaak meñ jab mil jā.egā

nāseh aane vaalā hai do hī bāteñ honī haiñ

yā use ham samjhā.eñge yā vo hameñ samjhā.egā

shikva-e-ġham kī mahshar meñ ham ko to ummīd nahīñ

sāmne vo aa jā.eñge hosh kise rah jā.egā

dil dene vaalā ġham se chhuT jā.egā dil de kar

dil lene vaalā dil meñ dil le kar pachhtā.egā

'nūh' ke rone par hañsnā bedardoñ kā ḳhvāb nahīñ

bahr-e-mohabbat meñ is se aur bhī tūfān aa.egā

chain ho ya bechaini ho pahle dil ghabraega

jate jate jaegi aate aate aaega

qasid aane jaane mein thak thak kar ghabraega

jaega phir aaega aaega phir jaega

DhunDne wali nazron nazron dekhenge pahlu ki taraf

un ki is dil-jui par mera dil itraega

dil mein ummiden lakhon thin kuchh niklin hain kuchh baqi hain

KHair kabhi phir aaoge phir kabhi dekha jaega

dair-o-haram ke malik se hum kuchh mangen bhi to sahi

hai wo baDa dene wala dega ya dilwaega

dil ke KHud aazar-o-alam dil ki qadr baDhaenge

hoga ye iksir magar KHak mein jab mil jaega

naseh aane wala hai do hi baaten honi hain

ya use hum samjhaenge ya wo hamein samjhaega

shikwa-e-gham ki mahshar mein hum ko to ummid nahin

samne wo aa jaenge hosh kise rah jaega

dil dene wala gham se chhuT jaega dil de kar

dil lene wala dil mein dil le kar pachhtaega

'nuh' ke rone par hansna bedardon ka KHwab nahin

bahr-e-mohabbat mein is se aur bhi tufan aaega