chakhi na jis ne kabhi lazzat-e-sinan-e-nigah

chakhī na jis ne kabhī lazzat-e-sinān-e-nigāh

maza de phir use kyā teġh-e-ḳhūñ-chakān-e-nigāh

jis anjuman meñ ki paḌtā na thā gumān-e-nigāh

paḌā hai TuuT dam-e-raqs āsmān-e-nigāh

balā se us se hī roz-e-siyah kā haal kahūñ

ki mīl-e-surma hai is ke mizāj dān-e-nigāh

dhanak se surme kī chilla hai tā ba-gosha-e-chashm

koī hai said jo phir zah huī kamān-e-nigāh

barī hai vājib o mumkin kī qaid se vo husn

na darmiyāna-e-mardum na darmyān-e-nigāh

huā thā mastī kī majlis meñ shab guzar apnā

kiyā nazāra-e-mahviyyat-e-jahān-e-nigāh

vo āsmāñ kī taraf dekhe gar uThā kar aañkh

gire zamīn pe iisā bhī khā sinān-e-nigāh

na taab nūr-e-tajallī kī lā sakā muusā

faroġh-e-husn huā bā.is-e-ziyān-e-nigāh

chakhi na jis ne kabhi lazzat-e-sinan-e-nigah

maza de phir use kya tegh-e-KHun-chakan-e-nigah

jis anjuman mein ki paDta na tha guman-e-nigah

paDa hai TuT dam-e-raqs aasman-e-nigah

bala se us se hi roz-e-siyah ka haal kahun

ki mil-e-surma hai is ke mizaj dan-e-nigah

dhanak se surme ki chilla hai ta ba-gosha-e-chashm

koi hai said jo phir zah hui kaman-e-nigah

bari hai wajib o mumkin ki qaid se wo husn

na darmiyana-e-mardum na darmyan-e-nigah

hua tha masti ki majlis mein shab guzar apna

kiya nazara-e-mahwiyyat-e-jahan-e-nigah

wo aasman ki taraf dekhe gar uTha kar aankh

gire zamin pe isa bhi kha sinan-e-nigah

na tab nur-e-tajalli ki la saka musa

farogh-e-husn hua bais-e-ziyan-e-nigah