chal dil uski gali mein ro aawen

chal dil us kī galī meñ ro aaveñ

kuchh to dil kā ġhubār dho aaveñ

go abhī aa.e haiñ ye hai jī meñ

phir bhī Tuk us ke paas ho aaveñ

dil ko khoyā hai kal jahāñ jā kar

jī meñ hai aaj jī bhī kho aaveñ

pand-go merā maġhz khāne ko

kaash aaveñ to ek do aaveñ

ham to bātoñ meñ raam kar leñ unheñ

ye butāñ apne paas jo aaveñ

go ḳhafā hī huā kare par ham

ik zarā us ko dekh to aaveñ

jab ham aaveñ to apne dil meñ ruko

aur na aaveñ to phir kaho aaveñ

baaz aa.e ham aise aane se

haañ jo vāqif na hoveñ so aaveñ

kab talak us galī meñ roz 'hasan'

sub.h ko jāveñ shaam ko aaveñ

chal dil us ki gali mein ro aawen

kuchh to dil ka ghubar dho aawen

go abhi aae hain ye hai ji mein

phir bhi Tuk us ke pas ho aawen

dil ko khoya hai kal jahan ja kar

ji mein hai aaj ji bhi kho aawen

pand-go mera maghz khane ko

kash aawen to ek do aawen

hum to baaton mein ram kar len unhen

ye butan apne pas jo aawen

go KHafa hi hua kare par hum

ek zara us ko dekh to aawen

jab hum aawen to apne dil mein ruko

aur na aawen to phir kaho aawen

baz aae hum aise aane se

han jo waqif na howen so aawen

kab talak us gali mein roz 'hasan'

subh ko jawen sham ko aawen