chala hai le ke mujhe zauq-e-justuju mera
chalā hai le ke mujhe zauq-e-justujū merā
ab intizār kar ai jān-e-ārzū merā
maiñ ban sakā na terā ye bajā sahī lekin
kisī ko kyuuñ ye gumāñ ho nahīñ hai tū merā
havā-e-dasht bahut duur le ga.ī aksar
nahīñ asīr-e-chaman zauq-e-rang-o-bū merā
shikast-e-dil kī talāfī nazar se kyā hogī
Tapak paḌe na tirī aañkh se lahū merā
mirī ġhazal ke liye kaun muntazir hai 'ravish'
pahuñch gayā hai kahāñ shauq-e-guftugū merā
chala hai le ke mujhe zauq-e-justuju mera
ab intizar kar ai jaan-e-arzu mera
main ban saka na tera ye baja sahi lekin
kisi ko kyun ye guman ho nahin hai tu mera
hawa-e-dasht bahut dur le gai aksar
nahin asir-e-chaman zauq-e-rang-o-bu mera
shikast-e-dil ki talafi nazar se kya hogi
Tapak paDe na teri aankh se lahu mera
meri ghazal ke liye kaun muntazir hai 'rawish'
pahunch gaya hai kahan shauq-e-guftugu mera
Source:
Funoon(Jadeed Ghazal Number: Volume-002) (Pg. 112)
-
- Edition: 1969
- Publisher: Ahmad Nadeem Qasmi
- Year of Publication: 1969
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
