chala hun ghar se main ahwal-e-dil sunane ko

Zahid Chaudhry

chala hun ghar se main ahwal-e-dil sunane ko

Zahid Chaudhry

MORE BY Zahid Chaudhry

    chalā huuñ ghar se maiñ ahvāl-e-dil sunāne ko

    vo muntazir haiñ mirā zabt āzmāne ko

    raqīb saath hai aur zer-e-lab tabassum hai

    ajab tarah se vo aayā hai dil dukhāne ko

    agarche bazm-e-tarab meñ havas ġhalba hai

    maiñ aa gayā huuñ mohabbat ke giit gaane ko

    maiñ rahā huuñ vahāñ jabki az-rahe-tafrīh

    sajī hai bazm mirā shauq āzmāne ko

    ravish ravish meñ hai afsurdagī afzā.ish

    vo phir bhī nikle haiñ tafrīh-e-gul manāne ko

    junūn-e-ishq mirā jabki ik haqīqat hai

    alag karūñgā maiñ is ishq se fasāne ko

    maiñ chāhtā thā mirā ishq ek raaz rahe

    vo aa gayā to ḳhabar ho ga.ī zamāne ko

    vo jin se mujh ko tavaqqo thī pāsbānī

    vo aa ga.e haiñ mirā āshiyāñ jalāne ko

    janāb-e-shaiḳh ye vo ruḳhī ma.āz-allāh

    huī hai shab to chale haiñ sharāb-ḳhāne ko

    rah-e-hayāt meñ bahrūpiyoñ se vāqif huuñ

    jo ġham-gusār bane merā dil dukhāne ko

    jo be-ḳhabar haiñ sarāpā vo phir rahe haiñ aaj

    qadam qadam pe na.ī dāstāñ sunāne ko

    jidhar nigāh uThāo ravāñ hai ḳhūn-e-jigar

    ḳhabar nahīñ ki ye kyā ho gayā zamāne ko

    chala hun ghar se main ahwal-e-dil sunane ko

    wo muntazir hain mera zabt aazmane ko

    raqib sath hai aur zer-e-lab tabassum hai

    ajab tarah se wo aaya hai dil dukhane ko

    agarche bazm-e-tarab mein hawas ka ghalba hai

    main aa gaya hun mohabbat ke git gane ko

    main ja raha hun wahan jabki az-rahe-tafrih

    saji hai bazm mera shauq aazmane ko

    rawish rawish mein hai afsurdagi ki afzaish

    wo phir bhi nikle hain tafrih-e-gul manane ko

    junun-e-ishq mera jabki ek haqiqat hai

    alag karunga main is ishq se fasane ko

    main chahta tha mera ishq ek raaz rahe

    wo aa gaya to KHabar ho gai zamane ko

    wo jin se mujh ko tawaqqo thi pasbani ki

    wo aa gae hain mera aashiyan jalane ko

    janab-e-shaiKH ki ye wo ruKHi maaz-allah

    hui hai shab to chale hain sharab-KHane ko

    rah-e-hayat mein bahrupiyon se waqif hun

    jo gham-gusar bane mera dil dukhane ko

    jo be-KHabar hain sarapa wo phir rahe hain aaj

    qadam qadam pe nai dastan sunane ko

    jidhar nigah uThao rawan hai KHun-e-jigar

    KHabar nahin ki ye kya ho gaya zamane ko

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY