chale gae ho sukun-o-qarar-e-jaan le kar
chale ga.e ho sukūn-o-qarār-e-jāñ le kar
ham apne dard ko jaa.eñ kahāñ kahāñ le kar
bahut dinoñ meñ milā hai payām-e-mausam-e-gul
nasīm-e-sub.h chalī hai kashāñ kashāñ le kar
ab apne apne muqaddar pe baat Thahrī hai
uThā hai abr-e-guhar-bār bijliyāñ le kar
yahāñ na maiñ huuñ na tū hai na koī shahnā.ī
pahuñch ga.ī hai tirī aarzū kahāñ le kar
na.e haiñ jism ke tāroñ pe ruuh ke naġhme
uThe haiñ bazm se ik kaif-e-jāvedāñ le kar
ġham-e-hayāt ne fursat na dī sunāne kī
chale the ham bhī mohabbat kī dāstāñ le kar
chale gae ho sukun-o-qarar-e-jaan le kar
hum apne dard ko jaen kahan kahan le kar
bahut dinon mein mila hai payam-e-mausam-e-gul
nasim-e-subh chali hai kashan kashan le kar
ab apne apne muqaddar pe baat Thahri hai
uTha hai abr-e-guhar-bar bijliyan le kar
yahan na main hun na tu hai na koi shahnai
pahunch gai hai teri aarzu kahan le kar
nae hain jism ke taron pe ruh ke naghme
uThe hain bazm se ek kaif-e-jawedan le kar
gham-e-hayat ne fursat na di sunane ki
chale the hum bhi mohabbat ki dastan le kar
- Book : Pakistani Adab (Pg. 427)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.